തിരുവനന്തപുരം: കപ്പല് അപകടം സംസ്ഥാന ദുരന്തമായി പ്രഖ്യാപിച്ചു. അറബിക്കടലിലെ കപ്പല് അപകടമാണ് സംസ്ഥാന ദുരന്തമായി സർക്കാർ പ്രഖ്യാപിച്ചത്.പാരിസ്ഥിതിക-സാമൂഹിക ആഘാതം കണക്കിലെടുത്താണ് നടപടി. റവന്യു സെക്രട്ടറി ഇതു സംബന്ധിച്ച ഉത്തരവ് പുറത്തിറക്കി. ഉത്തരവിറങ്ങിയതോടെ ദുരന്ത നിവാരണ നിയമം അനുസരിച്ച് നടപടിയെടുക്കാനാകും. കേന്ദ്രസർക്കാരില്നിന്ന് ഫണ്ടും ആവശ്യപ്പെടാൻ കഴിയും.അതേസമയം തീരത്തേക്ക് ഒഴുകിയെത്തിയ 50 കണ്ടെയ്നറുകളും തിരിച്ചെടുത്തു. അവയില് അപകടകരമായ രാസവസ്തുക്കളില്ല. തിരിച്ചെടുത്തവയില് മിക്കതും കാലി കണ്ടെയ്നറുകളാണ്. പ്ലാസ്റ്റിക് പെല്ലറ്റ്സ് കടലില് വീണിട്ടുണ്ട്. അപകടമുണ്ടായ കടല് മേഖലയില് എണ്ണയുടെ അംശം കലർന്നിട്ടുണ്ട്. അത് നിയന്ത്രണ വിധേയമാണ്.
സംസ്ഥാനത്തിന്റെ തെക്കൻ തീരത്തു വൻ പാരിസ്ഥിതിക ഭീതി ഉയർത്തി ആലപ്പുഴ തോട്ടപ്പള്ളി സ്പില്വേയില്നിന്ന് കേവലം 14.6 നോട്ടിക്കല് മൈല് (27 കിലോമീറ്റർ) അകലെയായിരുന്നു കപ്പല് മുങ്ങിയത്. ശനിയാഴ്ച ഉച്ചയോടെ 26 ഡിഗ്രി ചെരിഞ്ഞു വെള്ളം കയറിയ കപ്പല് ഞായറാഴ്ച രാവിലെ 7.50ന് ആണ് മുഴുവനായി മുങ്ങിയത്. 24 ജീവനക്കാരെ തീരസേനയും നാവികസേനയും ചേർന്നു രക്ഷപ്പെടുത്തിയിരുന്നു.
Post a Comment