തിരുവനന്തപുരം:മധ്യവേനല് അവധിക്ക് ശേഷം സംസ്ഥാനത്തെ സ്കൂളുകള് ജൂണ് രണ്ടിന് തുറക്കും. രണ്ട് മുതല് പത്ത് വരെയുള്ള ക്ലാസുകളില് ആദ്യ രണ്ടാഴ്ച ലഹരിക്കെതിരായ അവബോധം ഉണ്ടാക്കാനും നിയമബോധം ഉറപ്പാക്കാനും പ്രത്യേക പിരീയഡ് ഉണ്ടായിരിക്കുമെന്ന് വിദ്യാഭ്യാസമന്ത്രി അറിയിച്ചു.രണ്ടാഴ്ചത്തെ സ്കൂള് ടൈം ടേബിളില് സമഗ്ര ഗുണമേന്മ വിദ്യാഭ്യാസം നടപ്പിലാക്കാനുള്ള മാർഗ്ഗ നിർദ്ദേശങ്ങള് ഉള്പ്പെടുത്താന് തീരുമാനിച്ചിട്ടുണ്ടെന്ന് വിദ്യാഭ്യാസമന്ത്രി വാര്ത്താസമ്മേളനത്തില് പറഞ്ഞു.
രണ്ടാം ക്ലാസ് മുതല് 12 ക്ലാസ് വരെയുള്ള ക്ലാസുകള്ക്കാണ് ഈ മാർഗ്ഗ നിർദ്ദേശങ്ങള്. നിയമബോധം, വ്യക്തി ശുചീത്വം, പരിസര ശുചിത്വം, പൊതു ബോധം, ലഹരിക്കെതിരെയുള്ള അവബോധം, സൈബർ അവബോധം, പൊതു നിരത്തിലെ നിയമങ്ങള് തുടങ്ങിയവയാണ് ഈ മാർഗ്ഗ നിർദ്ദേശത്തില് ഉള്പ്പെടുന്നത്. ജൂണ് 3 മുതല് 13 വരെ സർക്കുലർ അനുസരിച്ചുള്ള ക്ലാസുകള് നടത്തണം. ദിവസവും 1 മണിക്കൂർ ഇതിനായി മാറ്റി വയ്ക്കണമെന്നും വിദ്യാഭ്യാസമന്ത്രി കൂട്ടിച്ചേര്ത്തു.
കുട്ടികള്ക്ക് ക്ലാസ്സിലും ക്യാമ്ബസ്സിലും സങ്കോചമില്ലാതെ പഠനപ്രവര്ത്തനങ്ങളില് ഏര്പ്പെടാനുള്ള ആത്മവിശ്വാസമാണ് പ്രാരംഭദിനങ്ങളില് ഉണ്ടാക്കേണ്ടത്. ഏത് ദിവസം ഏത് തീം നടപ്പാക്കണം എന്ന് സര്ക്കുലറില് പറഞ്ഞിട്ടുണ്ട്. അത് പ്രകാരം നടത്തണം. എന്നാല് ഏത് പീരിയഡാണ് ഈ പ്രവര്ത്തനങ്ങള് ക്ലാസ്സുകളില് നടത്തേണ്ടതെന്ന് സ്കൂളുകള്ക്ക് തീരുമാനിക്കാമെന്നും മന്ത്രി അറിയിച്ചു.
Post a Comment