അതിരപ്പിള്ളി: അതിരപ്പിള്ളിയില് കാട്ടാനയുടെ ആക്രമണത്തില് രണ്ട് പേര്ക്ക് ജീവന് നഷ്ടമായി. വഞ്ചികടവില് വനവിഭവങ്ങള് ശേഖരിക്കാന് പോയ രണ്ടുപേരാണ് തിങ്കളാഴ്ച രാത്രി ആനയുടെ ആക്രമണത്തില് കൊല്ലപ്പെട്ടത്.
ആദിവാസി വിഭാഗത്തില്പ്പെട്ട, വാഴച്ചാല് ശാസ്താം പൂവം ഉന്നതിയിലെ സതീഷ്, അംബിക എന്നിവരാണ് മരിച്ചത്.
ഇതോടെ 2 ദിവസത്തിനിടെ കാട്ടാന ആക്രമണത്തില് മരിച്ചവരുടെ എണ്ണം 3 ആയി.
വഞ്ചിക്കടവില് വനവിഭവങ്ങള് ശേഖരിക്കാന് താത്കാലിക കുടില്കെട്ടി താമസിക്കുകയായിരുന്ന കുടുംബങ്ങളില്പ്പെട്ടവരാണ് മരിച്ചത്. കാട്ടാനക്കൂട്ടം പാഞ്ഞടുത്തപ്പോള് എല്ലാവരും ചിതറിയോടി. എന്നാല് സതീഷും അംബികയും ആനയുടെ മുന്നില് വീഴുപോവുകയായിരുന്നു. അംബികയുടെ മൃതദേഹം പുഴയില് നിന്നും സതീഷിന്റേത് പാറപ്പുറത്തു നിന്നുമാണ് കണ്ടെത്തിയത്.
ഈ മാസം ആറാം തിയ്യതി പാലക്കാട് മുണ്ടൂരിലും കാട്ടാന ആക്രമണത്തില് യുവാവ് കൊല്ലപ്പെട്ടിരുന്നു. അമ്മയ്ക്കൊപ്പം കുടുംബവീട്ടിലേക്ക് പോവുന്നതിനിടെ കയറംക്കോട് സ്വദേശി അലന് ആണ് മരിച്ചത്.
Post a Comment