വാർഷിക പരീക്ഷകളുടെ ടൈം ടേബിൾ പുന:ക്രമീകരിച്ചു

ഒന്ന് മുതൽ ഒൻപത് വരെയുള്ള ക്ലാസുകളിലെ വാർഷിക പരീക്ഷകളുടെ ടൈം ടേബിൾ പുന:ക്രമീകരിച്ചു. പരീക്ഷകളിൽ മാറ്റം വരുത്തി പൊതു വിദ്യാഭ്യാസ ഡയറക്ടർ ഉത്തരവിറക്കി. മാറ്റിയ പരീക്ഷകളുടെ വിവരങ്ങൾ ചുവടെ ചേർത്തിരിക്കുന്നു.

▫️ഫെബ്രുവരി 25ന് രാവിലെ നടത്താൻ നിശ്ചയിച്ചിരുന്ന എട്ടാം ക്ലാസ്സിലെ ഹിന്ദി പരീക്ഷയും ഒൻപതാം ക്ലാസ്സിലെ ഒന്നാം ഭാഷാ പേപ്പർ 2 പരീക്ഷയും മാർച്ച്‌ 11ന് രാവിലെ നടത്തും.

▫️25-ന് ഉച്ചക്ക് ശേഷം നടത്താൻ നിശ്ചയിച്ചിരുന്ന എട്ടാം ക്ലാസ്സിലെ ഒന്നാം ഭാഷ പേപ്പർ 2 പരീക്ഷ 25.03.2025 ന് രാവിലെ നടത്തുന്നതാണ്.

▫️25-ന് ഉച്ചക്ക് ശേഷം നടത്താൻ നിശ്ചയിച്ചിരുന്ന ഒൻപതാം ക്ലാസ്സിലെ ബയോളജി പരീക്ഷ 15.03.2025 ന് രാവിലെ നടത്തും.

▫️27-ന് രാവിലെ നടത്താൻ നിശ്ചയിച്ചിരുന്ന എച്ച് എസ് അറ്റാച്ച്‌ഡ് യു പി വിഭാഗം പരീക്ഷകൾ 24.02.2025 ന് രാവിലെ നടത്തും.

▫️27-ന് ഉച്ചക്ക് ശേഷം നടത്താൻ നിശ്ചയിച്ചിരുന്ന എട്ടാം ക്ലാസ്സിലെ കലാകായിക പ്രവർത്തി പരിചയം 27.03.2025 ന് രാവിലെ നടത്തും.

▫️27-ന് ഉച്ചക്ക് ശേഷം നടത്താൻ നിശ്ചയിച്ചിരുന്ന ഒൻപതാം ക്ലാസ്സിലെ സാമൂഹ്യ ശാസ്ത്രം പരീക്ഷ 18.03.2025 ന് രാവിലെ നടത്തുന്ന രീതിയിൽ പുന:ക്രമീകരിച്ചു.