ഇടുക്കി: ഇടുക്കി പെരുവന്താനത്തിന് സമീപം കാട്ടാന ആക്രമണത്തില് കൊല്ലപ്പെട്ട സോഫിയയുടെ കുടുംബത്തിന് പത്ത് ലക്ഷം ധനസഹായം പ്രഖ്യാപിച്ച് കളക്ടര്.
ഇന്ന് തന്നെ ധനസഹായം നല്കുമെന്ന് കളക്ടര് വി. വിഗ്നേഷ്വരി ഉറപ്പുനല്കി.സോഫിയയുടെ മകള്ക്ക് ജോലി നല്കുമെന്നും കളക്ടര് ഉറപ്പുനല്കി.
കൊമ്ബൻപാറ ടി ആർ ആൻഡ് ടീ എസ്റ്റേറ്റില് വച്ചാണ് നെല്ലിവിള പുത്തൻ വീട്ടില് സോഫിയ ഇസ്മയിലിനെ കാട്ടാന ആക്രമിച്ചത്. ഇന്നലെ വൈകിട്ടോടെ വീട്ടില് നിന്ന് സമീപത്തെ അരുവിയിലേക്ക് കുളിക്കാൻ പോയതായിരുന്നു സോഫിയ.
ഏറെ നേരം കഴിഞ്ഞിട്ടും തിരികെ വരാതിരുന്നതിനെ തുടർന്ന് നടത്തിയ തെരച്ചിലിലാണ് സോഫിയയെ മരിച്ച നിലയില് കണ്ടെത്തിയത്. വനാതിർത്തിയോട് ചേർന്ന സ്ഥലത്താണ് സോഫിയയുടെ കുടുംബം താമസിക്കുന്നത്.
ഈ മാസം കാട്ടാനയുടെ ആക്രമണത്തില് കൊല്ലപ്പെടുന്ന രണ്ടാമത്തെയാളാണ് സോഫിയ. ഇതോടെ ഈ വർഷത്തെ ആദ്യ ആറ് ആഴ്ചക്കുള്ളില് ഏഴ് പേരാണ് വന്യജീവി ആക്രമണത്തില് കൊല്ലപ്പെട്ടിരിക്കുന്നത്.
Post a Comment