കോഴിക്കോട്: സമൂഹമാധ്യമങ്ങളിലൂടെ പ്രായപൂർത്തിയാകാത്ത പെണ്‍കുട്ടിക്ക് അശ്ലീല സന്ദേശമയച്ച ഡോക്ടർ അറസ്റ്റില്‍.
കണ്ണൂർ സ്വദേശിയായ അലൻ അലകസ് (32) ആണ് പൊലീസിന്റെ പിടിയിലായത്. പോക്സോ വകുപ്പ് പ്രകാരമാണ് വെള്ളയില്‍ പൊലീസ് പ്രതിക്കെതിരെ കേസെടുത്തത്. കുട്ടിയെ നിരന്തരം ശല്യം ചെയ്ത യുവാവിനെ വീട്ടുകാർ പിടികൂടി പൊലീസിനെ ഏല്‍പ്പിക്കുകയായിരുന്നു. പെണ്‍കുട്ടിയുടെ പരാതിയിലാണ് പൊലീസ് കേസെടുത്തിരിക്കുന്നത്.
പ്രതിയായ അലൻ പെണ്‍കുട്ടിയ്ക്ക് നിരന്തരം അശ്ലീല സന്ദേശം അയച്ചിരുന്നു. ഇത് സ്ഥിരമായതോടെ പെണ്‍കുട്ടി വീട്ടുക്കാരെ അറിയിക്കുകയായിരുന്നു. പിന്നീട് പെണ്‍കുട്ടിയുടെ ബന്ധുക്കള്‍ ആസൂത്രണം ചെയ്ത് ഇയാളെ അടുത്തുളള ബീച്ചില്‍ എത്തിക്കുകയായിരുന്നു. ബീച്ചില്‍ കാത്തുനിന്ന ബന്ധുക്കള്‍ ഇയാളെ തടഞ്ഞു വെച്ചതിന് ശേഷം പൊലീസിനെ വിവരം അറിയിക്കുകയായിരുന്നു.
Post a Comment