.
ആലക്കോട്: മലയോര മേഖലയില്‍ ഒരു കാലത്ത് നിറഞ്ഞ് നിന്നിരുന്ന വോളിബോള്‍ ഇന്നു അന്യം നിന്നു പോകുന്ന അവസ്ഥയാണ്.
കളിക്കളങ്ങളും, കളിയാരവങ്ങളും നിലവില്‍ മാഞ്ഞു കൊണ്ടിരിക്കുകയാണ്. ഇതില്‍ നിന്നും വ്യത്യസ്തമായി അൻപത് വർഷത്തിലേറെയായി വോളിവോളിനെ നെഞ്ചിലേറ്റുന്ന ഒരു മലയോരഗ്രാമമുണ്ട്.
ചപ്പാരപ്പടവ് പഞ്ചായത്തിലെ മണാട്ടി പുതിയഭഗവതി കാവ് ഫ്ലഡ്‌ലിറ്റ് ഗ്രൗണ്ടിലാണ് ഫ്രണ്ട് വോളിബോള്‍ കൂട്ടായ്മയുടെ വോളിബോള്‍ കോർട്ട്. നിരവധി നാഷണല്‍, സ്റ്റേറ്റ്, യൂണിവേഴ്സിറ്റി താരങ്ങളെ സംഭവാന ചെയ്ത കളിസ്ഥലമാണ് ഫ്രണ്ട്സ് വോളിബോള്‍ കൂട്ടായ്മ. സർവീസസ് ആർമി താരങ്ങളായ സുജിത്ത് ചെമ്ബനാനി,സുമിത്ത് ചെമ്ബനാനി യൂണിവേഴ്സിറ്റി താരങ്ങളായ റിച്ചാർഡ് കുര്യൻ, ബാബേഷ് എന്നിവർ പഴയ താരങ്ങളില്‍ തിളങ്ങി നിന്നവരാണ്.
പുതിയ തലമുറയില്‍ ഒരു പിടി താരങ്ങളെ സംഭാവന ചെയ്യുന്നതിലും ഫ്രണ്ട്സ് വോളിബോള്‍ കൂട്ടായ്മ മുൻപന്തിയിലാണ്. ജൂണിയർ നാഷണല്‍ താരം ആദിത്ത്, ജൂണിയർ സംസ്ഥാന സ്കൂള്‍ താരങ്ങളായ ജോബിൻ, സ്റ്റെനില്‍ ഉള്‍പ്പെടെ സമീപ പ്രദേശങ്ങളിലെ നിരവധി സ്കൂളുകളില്‍ നിന്നായി സ്കൂള്‍ ജില്ലാ മത്സരങ്ങളില്‍ പങ്കെടുക്കുന്ന താരങ്ങള്‍ ഉണ്ടിവിടെ.
മധ്യ വേനല്‍ അവധികാലത്ത് കുട്ടികള്‍ക്കും മുതിർന്നവർക്കും വർഷങ്ങളായി അവധിക്കാല കോച്ചിംഗ് ക്യാമ്ബ് നടത്താറുണ്ട്. ആർമി റിട്ട. സുബേധാർ സുനില്‍കുമാർ കോട്ടക്കടവ്, യൂത്ത് നാഷനല്‍ സീനിയർ സ്റ്റേറ്റ് താരവുമായ കിഷോർ കൃഷ്ണൻ, വിഷ്ണു, ശ്രീരാഗ് തുടങ്ങി നിരവധി പേർ ഇതിന് നേതൃത്വം നല്‍കുന്നു. കോച്ചിംഗ് ക്യാമ്ബ് തികച്ചും സൗജന്യമായാണ് നടന്നുവരുന്നത്
Post a Comment