മഞ്ഞുവീഴ്ചയെ തുടർന്ന് കുളുവിലെ റിസോർട്ടില് കുടുങ്ങിയ അയ്യായിരം വിനോദ സഞ്ചാരികളെ രക്ഷപ്പെടുത്തി പോലീസ്. സോളങ് നാലയിലെ സ്കീ റിസോർട്ടിലാണ് വിനോദ സഞ്ചാരികള് കുടുങ്ങിയത്.
ആയിരത്തിലേറെ വാഹനങ്ങളും റോഡില് കുടുങ്ങി. വിനോദ സഞ്ചാരികളെ സുരക്ഷിത സ്ഥാനങ്ങളിലേക്ക് മാറ്റിയെന്നും രക്ഷാപ്രവർത്തനം തുടരുകയാണെന്നും കുളു പോലീസ് പറഞ്ഞു.
വെള്ളിയാഴ്ചയും സംസ്ഥാനത്ത് കനത്ത മഞ്ഞുവീഴ്ച തുടരുമെന്നാണ് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. കനത്ത മഞ്ഞുവീഴ്ചയുടെ പശ്ചാത്തലത്തില് സംസ്ഥാനത്ത് ഓറഞ്ച് അലർട്ട് പ്രഖ്യാപിച്ചിട്ടുണ്ട്. ലൗഹൗള് - സ്പിതി, ചമ്ബ, കാൻഗ്ര, ഷിംല, കിന്നൗർ, കുളു എന്നിവയുള്പ്പെടെ ആറ് ജില്ലകളില് കനത്ത മഞ്ഞുവീഴ്ചയാണ് ഉണ്ടായത്
ഡിസംബർ 29 മുതല് ബിലാസ്പൂർ, ഹാമിർപൂർ, ഉന ജില്ലകളില് ശക്തമായ തണുപ്പ് തരംഗമുണ്ടാകുമെന്നാണ് കാലാവസ്ഥ നിരീക്ഷണകേന്ദ്രം കണക്കുകൂട്ടുന്നത്. മാണ്ഡി, കുളു, ചമ്ബ എന്നിടങ്ങളിലും ജനുവരി 1 വരെ കഠിമായ തണുപ്പ് തുടരുമെന്നും മുന്നറിയിപ്പില് പറയുന്നു
Post a Comment