കണ്ണൂർ: കണ്ണൂർ റെയില്വേ സ്റ്റേഷനില് ആർ.പി.എഫും എക്സൈസും സംയുക്തമായി നടത്തിയ പരിശോധനയില് പിടികൂടിയത് 19.6 കിലോ കഞ്ചാവ്.
മൂന്നാം നമ്ബർ പ്ലാറ്റ്ഫോമിന്റെ വടക്ക് വശത്താണ് ഉടമസ്ഥനില്ലാത്ത നിലയില് കഞ്ചാവ് കണ്ടെത്തിയത്.
വലിയ ചാക്കിനകത്ത് പ്ലാസ്റ്റിക് കവറിനുള്ളില് പോളിത്തീൻ കവറിലാക്കി ഒതുക്കി കെട്ടി വെച്ച നിലയിലാണ് കഞ്ചാവ് കണ്ടെത്തിയത്. റെയില്വേ സ്റ്റേഷനിലെയും പരിസര പ്രദേശങ്ങളിലേയും സി.സി.ടി.വി ദൃശ്യങ്ങള് പരിശോധിച്ചെങ്കിലും പ്രതിയെ കുറിച്ച് യാതൊരു വിവരും ലഭിച്ചില്ല.
സമാനമായ രീതിയില് കഴിഞ്ഞ ദിവസവും റെയില്വേ സ്റ്റേഷനില് നിന്നും കഞ്ചാവ് പിടികൂടിയിരുന്നു. മൂന്നാം പ്ലാറ്റ്ഫോമിന്റെ വടക്കുഭാഗത്ത് നിന്ന് 3.756 കിലോ കഞ്ചാവാണ് ചൊവ്വാഴ്ച കണ്ടെത്തിയത്.
Post a Comment