മലപ്പുറം: അരീക്കോട് സായുധ പൊലീസ് ക്യാമ്ബില് പൊലീസുകാരൻ സ്വയം നിറയൊഴിച്ച് ജീവനൊടുക്കിയതിനു കാരണം അവധി ലഭിക്കാത്തതു മൂലമുള്ള മാനസികസംഘർഷമാണെന്ന് സുഹൃത്തുക്കള്.
തണ്ടർബോള്ട്ട് കമാൻഡോ ആയിരുന്ന വയനാട് സ്വദേശി വിനീത് ആണ് മരിച്ചത്. ക്യാമ്ബിലാണ് മരിച്ച നിലയില് കണ്ടെത്തിയത്.
45 ദിവസത്തോളം വിനീത് അവധി ലഭിക്കാതെ ജോലി ചെയ്തെന്ന് സുഹൃത്തുക്കള് പറയുന്നത്. വിനീതിന്റെ ഭാര്യ ഗർഭിണിയാണ്.
ഇവരെ പരിചരിക്കാനായി അവധി ചോദിച്ചെങ്കിലും ലഭിക്കാത്തതിന്റെ മനോവിഷമത്തിലായിരുന്നു വിനീത് എന്നു സഹപ്രവർത്തകർ പറഞ്ഞു. അവധി ആവശ്യപ്പെട്ട് മേലുദ്യോഗസ്ഥരോട് സംസാരിച്ചെങ്കിലും നല്കിയില്ല എന്നാണ് വിവരം.
തലയ്ക്കു വെടിയേറ്റ നിലയില് ഞായറാഴ്ച രാത്രി ഒൻപതരയോടെയാണ് സഹപ്രവർത്തകർ വിനീതിനെ അരീക്കോട് ആസ്റ്റർ മദർ ആശുപത്രിയില് എത്തിച്ചത്. ഉടനെ മരണം സ്ഥിരീകരിച്ചുവെന്ന് പോലീസറിയിച്ചു.
മൃതദേഹം മഞ്ചേരിയിലെ സ്വകാര്യ ആശുപത്രിയിലേക്ക് മാറ്റിയിട്ടുണ്ട്. പോസ്റ്റുമോർട്ടത്തിന് ശേഷം മൃതദേഹം ഇന്ന് കുടുംബത്തിന് വിട്ടുനല്കും.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാന് ശ്രമിക്കുക. അത്തരം ചിന്തകളുളളപ്പോള് 'ദിശ' ഹെല്പ് ലൈനില് വിളിക്കുക. Toll free helpline number: 1056, 0471-2552056)
Post a Comment