പുഷ്പ 2 റിലീസിനിടെ തിരക്കില്പ്പെട്ട് മരിച്ച സ്ത്രീയുടെ മകന് മസ്തിഷ്ക മരണം സംഭവിച്ചു. തിരക്കില്പ്പെട്ട് പരിക്കേറ്റ ഹൈദരബാദ് സ്വദേശിയായ ഒമ്ബത് വയസുകാരന് ശ്രീനേജാണ് മസ്തിഷ്ക മരണം സ്ഥിരീകരിച്ചത്.
പുഷ്പ 2 റിലീസ് ദിന തലേന്ന് ജനുവരി നാലാം തീയതിയാണ് പല തിയറ്ററുകളിലും പെയ്ഡ് പ്രീമിയറുകള് നടന്നത്. ഇതിന്റെ ഭാഗമായി ഹൈദരാബാദിലെ പഴയ തിയറ്റര് കോംപ്ലക്സുകളില് ഒന്നായ സന്ധ്യ തിയറ്ററില് ബുധനാഴ്ച രാത്രി നടന്ന പ്രീമിയര് ഷോയ്ക്ക് അല്ലു അര്ജുനും കുടുംബവും ഒപ്പം സിനിമാ സംഘവും എത്തിയിരുന്നു. ഇതോടെയുണ്ടായ തിക്കിലും തിരക്കിലുപ്പെട്ടാണ് ദില്ഷുക്നഗര് സ്വദേശിനി രേവതി (39) മരിച്ചത്. അപകടത്തില് രേവതിയുടെ ഭര്ത്താവിനും രണ്ട് മക്കള്ക്കും പരിക്കേറ്റിരുന്നു. ഒമ്ബത് വയസുകാരന്റെ നില ഗുരുതരമായിരുന്നു. വെന്റിലേറ്ററിന്റെ സഹായത്തോടെയാണ് കുട്ടിയുടെ ജീവന് നിലനിര്ത്തുന്നത്.
അല്ലുവിന്റെ ഫാന് ആയ ഒമ്ബതുവയസ്സുകാരന്റെ നിര്ബന്ധത്തിന് വഴങ്ങിയാണ് കുടുംബം സിനിമയ്ക്ക് പോയത്.
Post a Comment