അല്ലു അര്ജുന് ചിത്രം പുഷ്പ 2 റിലീസിനിടെ ഹൈദരാബാദിലെ സന്ധ്യ തിയേറ്ററിലെ തിരക്കില്പ്പെട്ട് ഒരു സ്ത്രീ മരിച്ചു.
ഹൈദരാബാദ് ദില്ഷുക്നഗര് സ്വദേശിനി രേവതി (39) യാണ് മരിച്ചത്. ഭര്ത്താവ് ഭാസ്കറിനും മക്കളായ തേജിനും സാന്വിക്കും ഒപ്പം രേവതി പുഷ്പ പ്രീമിയര് ഷോ കാണാന് എത്തിയതായിരുന്നു.
രാത്രി 11 മണിക്ക് ഉള്ള പുഷ്പ 2 പ്രീമിയര് കാണാന് അല്ലു അര്ജുന് എത്തുമെന്ന് അവസാന നിമിഷമാണ് വിവരം ലഭിച്ചത്. തിയേറ്റര് പരിസരത്ത് അല്ലു അര്ജുനെ കാണാന് വലിയ ഉന്തും തള്ളുമുണ്ടായി. പിന്നാലെ ആള്ക്കൂട്ടത്തെ നിയന്ത്രിക്കാന് പൊലീസ് ലാത്തി വീശി. ഇതിനിടയില് പെട്ടാണ് സ്ത്രീ മരിച്ചത്. മകന് ബോധം കെട്ട് വീഴുകയും ഭര്ത്താവിനും മകള്ക്കും പരിക്ക് ഏല്ക്കുകയും ചെയ്തു. ഇവരെ ഉടന് ആശുപത്രിയില് പ്രവേശിപ്പിച്ചു. തേജിന്റെ ആരോഗ്യനില നിലവില് തൃപ്തികരമെന്ന് ഡോക്ടര്മാര് അറിയിച്ചു. പരിക്കേറ്റ രേവതിയുടെ ഭര്ത്താവ് ഭാസ്കറും മകള് സാന്വിയും ചികിത്സയിലാണ്
Post a Comment