തിരുവനന്തപുരം: വൈദ്യുതിനിരക്ക് ശരാശരി 16 പൈസ വർധിപ്പിച്ചു . വ്യാഴാഴ്ച മുതല് നിലവില് വന്നു. അടുത്തവര്ഷം 12 പൈസകൂടി കൂടും.
കെ.എസ്.ഇ.ബി. ആവശ്യപ്പെട്ടതിന്റെ പകുതിയില്ത്താഴെയാണ് റഗുലേറ്ററി കമ്മിഷന് കൂട്ടാന് ഉത്തരവിട്ടത്. രണ്ടുവര്ഷത്തിനിടെ മൂന്നാംതവണയാണ് നിരക്കു കൂട്ടുന്നത്.
ഇതോട വീടുകളിലെ വൈദ്യുതിബില്ലില് രണ്ടുമാസത്തിലൊരിക്കല് ഏകദേശം 14 രൂപ മുതല് 300 വരെ വര്ധനയുണ്ടാവും. എന്നാല്, കാലാകാലം ഏര്പ്പെടുത്തുന്ന സര്ച്ചാര്ജും 10 ശതമാനം വൈദ്യുതി ഡ്യൂട്ടിയും കണക്കാക്കുമ്ബോള് ഇതിലുംകൂടും.
കേരളത്തില് വൈദ്യുതി നിരക്ക് യൂണിറ്റിന് 16 പൈസ വർധിപ്പിച്ചിരിക്കുകയാണ്. ഈ സാഹചര്യത്തിൽ കേരളത്തിലാണ് ഏറ്റവും കൂടുതൽ വൈദ്യുതി ചാർജ് എന്ന തെറ്റായ പ്രചാരണവും നടക്കുന്നുണ്ട്. എന്നാൽ വസ്തുത അതല്ലെന്നാണ് കണക്കുകൾ വ്യക്തമാക്കുന്നത്. 50 യൂണിറ്റിന് ഏറ്റവും കുറവ് രൂപ ഈടാക്കുന്നത് കേരളമാണ്. കേരളം 65 രൂപ ഈടാക്കുമ്പോൾ രാജസ്ഥാൻ 365 രൂപയും കർണാടക 160 രൂപയും ഈടാക്കുന്നുണ്ട്.
ജനുവരിമുതല് മേയ്വരെ അഞ്ചുമാസത്തേക്ക് വേനല്ക്കാല നിരക്കായി 10 പൈസ കെ.എസ്.ഇ.ബി. അധികം ആവശ്യപ്പെട്ടെങ്കിലും അനുവദിച്ചില്ല. ചെറുകിട വ്യവസായങ്ങള്ക്ക് അഞ്ചുപൈസ വീതം രണ്ടുവര്ഷവും കൂടും. വന്കിട വ്യവസായങ്ങള്ക്ക് ഈ വര്ഷം 10 പൈസയും അടുത്തവര്ഷം അഞ്ചുപൈസയും കൂടും.
വീടുകളില് വിവിധ സ്ലാബുകളിലെ വര്ധന 15 പൈസ മുതല് 25 പൈസവരെയാണ്. വീടുകളില് വൈദ്യുതി ഉപയോഗിച്ചാലും ഇല്ലെങ്കിലും നല്കേണ്ട ഫിക്സഡ് ചാര്ജ് രണ്ടുവര്ഷത്തേക്കും അഞ്ചുമുതല് 30 രൂപവരെ കൂട്ടി. ഇത് ചെറുകിട വാണിജ്യ സ്ഥാപനങ്ങള്ക്ക് കൂടില്ല. പെട്ടിക്കടകള്ക്ക് അഞ്ചുപൈസ കൂടും.
ഈവര്ഷത്തെ നിരക്കുകള് 2025 മാര്ച്ച് 31 വരെയാണ് ബാധകം. അടുത്തവര്ഷത്തെ നിരക്കുകള് 2027 മാര്ച്ച് 31 വരെ തുടരും. ഇതോടൊപ്പം കാലാകാലമുള്ള സര്ച്ചാര്ജും നല്കേണ്ടിവരും. ഡിസംബറില് ഇത് യൂണിറ്റിന് 15 പൈസയാണ്. മീറ്റര് വാടക കൂട്ടില്ല. ഒരു മാസം 40 യൂണിറ്റുവരെ ഉപയോഗിക്കുന്ന ബി.പി.എല്. വിഭാഗങ്ങളിലെ വീടുകളില് നിരക്ക് കൂടില്ല.
Post a Comment