ഒളിംപിക്സ് നിയമങ്ങള് അനുസരിച്ച് വിനേഷ് ഫോഗട്ട് ഭാരം കൂടുതൽ കാരണം അയോഗ്യയായതിനാൽ ഒരു മെഡലിന് പോലും അര്ഹതയുണ്ടാകില്ല. ഇതോടെ 50 കിലോ ഗ്രാം വിഭാഗത്തില് ഫൈനലിലെത്തിയ അമേരിക്കയുടെ സാറ ഹിൽഡെബ്രാൻഡ് സ്വര്ണം നേടും. ഈ വിഭാഗത്തില് വെള്ളി മെഡല് ഉണ്ടാകില്ല. ഇനി സെമി പോരാട്ടത്തില് തോറ്റവര് തമ്മിലുള്ള മത്സരത്തിലെ വിജയികള്ക്ക് വെങ്കല മെഡൽ നല്കുക.
വിനേഷ് ഫോഗട്ടിനെ അയോഗ്യനാക്കിയ വാര്ത്ത ഖേദത്തോടെയാണ് അറിയിക്കുന്നതെന്നാണ് ഇന്ത്യൻ ഒളിമ്പിക്സ് അസോസിയേഷൻ പ്രസ്താവനയില് അറിയിച്ചത്. രാത്രി മുഴുവന് ടീം പരമാവധി ശ്രമിച്ചിട്ടും വിനേഷിന്റെ ഭാരം ഇന്ന് രാവിലെ 50 കിലോഗ്രാമില് കൂടുതലായി. ഈ സമയം കൂടുതല് പ്രതികരിക്കുന്നില്ലെന്നും വിനേഷിന്റെ സ്വകാര്യതയെ മാനിക്കണമെന്നും ഐഒഎ പ്രസ്താവനയില് പറഞ്ഞു.
ഇന്ത്യൻ ഒളിമ്പിക്സ് അസോസിയേഷന്റെ പ്രസ്താവന
Post a Comment