കല്പറ്റ: ഉരുള്പൊട്ടല് ദുരന്തവുമായി ബന്ധപ്പെട്ട് വ്യാഴാഴ്ച ജില്ലയിലെത്തുന്ന മുഖ്യമന്ത്രി പിണറായി വിജയന്റെ അധ്യക്ഷതയില് സർവകക്ഷിയോഗം ചേരും.
കളക്ടറേറ്റില് രാവിലെ 11.30-നാണ് യോഗം.
വയനാട്ടില് ക്യാമ്ബ് ചെയ്യുന്ന മന്ത്രിമാർ, ജില്ലയിലെ എം.എല്.എ.മാർ, ജില്ലാപഞ്ചായത്ത് പ്രസിഡന്റ്, രാഷ്ട്രീയപ്പാർട്ടി നേതാക്കള് എന്നിവർ പങ്കെടുക്കും. രാവിലെ 10.30-ന് മുഖ്യമന്ത്രിയുടെ അധ്യക്ഷതയില് ഉദ്യോഗസ്ഥരുടെ യോഗവും നടക്കും.
ലോക്സഭാ പ്രതിപക്ഷ നേതാവ് രാഹുല് ഗാന്ധിയും എ.ഐ.സി.സി. ജനറല് സെക്രട്ടറി പ്രിയങ്കാ ഗാന്ധിയും വ്യാഴാഴ്ച ജില്ലയിലെത്തും. ദുരിതാശ്വാസ ക്യാമ്ബില് കഴിയുന്നവരേയും ആശുപത്രിയില് ചികിത്സയിലുള്ളവരെയും ഇരുവരും സന്ദർശിക്കും. രാവിലെ ഏഴിനു ഡല്ഹിയില് നിന്നു പ്രത്യേക വിമാനത്തില് കണ്ണൂർ രാജ്യാന്തര വിമാനത്താവളത്തില് വന്നിറങ്ങും. റോഡ് മാർഗം ഒരുമണിയോടെ മേപ്പാടിയിലെത്തും.
Post a Comment