വേനല്ച്ചൂടില് നിന്നുള്ള ആശ്വാസമാണ് മണ്സൂണിൻ്റെ വരവ്. എന്നാല് എല്ലാം തണുത്തുകഴിഞ്ഞാല്, നിങ്ങള് നിരന്തരമായ വെള്ളക്കെട്ടും മോശം ട്രാഫിക് ജാമുകളും നേരിടാൻ തുടങ്ങും.
കഴിഞ്ഞ കുറച്ചുദിവസങ്ങളായി കനത്ത മഴയാണ് സംസ്ഥാനത്തിന്റെ പല ഭാഗത്തും പെയ്യുന്നത്. വീണ്ടും മഴ പെയ്യുമെന്ന് ജാഗ്രതാ മുന്നറിയിപ്പുകളും ഉണ്ട്. എങ്കിലും അത്യാവശ്യ കാര്യങ്ങള്ക്കായി വാഹനവുമായി റോഡിലേക്ക് ഇറങ്ങുന്നവരും കുറവല്ല. മഴക്കാലത്ത് ദൂരക്കാഴ്ച കുറയുകയും റോഡിൻ്റെ ട്രാക്ഷൻ കുറയുകയും ചെയ്യുന്നതോടെ അപകട സാധ്യതയും വർദ്ധിക്കുന്നു. മഴ പെയ്ത് നനഞ്ഞു കിടക്കുന്ന റോഡില് വണ്ടിയോടിക്കുമ്ബോള് തീര്ച്ചയായും ജാഗ്രത പാലിക്കണം. ഇല്ലെങ്കില് വന് ദുരന്തമാവും നിങ്ങളെ തേടിയെത്തുക. ഇതാ ശ്രദ്ധിക്കേണ്ട ചില കാര്യങ്ങള്.
മഴക്കാലത്ത് പരമാവധി ഇരു കൈകളും ഉപയോഗിച്ച് വാഹനം ഓടിക്കാന് ശ്രദ്ധിക്കുക
വാഹനങ്ങളുടെ വേഗത കുറച്ചാല് റോഡും ടയറുകളും തമ്മിലുള്ള ഘര്ഷണം കൂട്ടി നിയന്ത്രണം ഉറപ്പുവരുത്താം
മറ്റു വാഹനങ്ങളുമായി കൃത്യമായ അകലം പാലിക്കുക
വളവുകളില് സാവധാനത്തില് ബ്രേക്ക് ഉപയോഗിക്കുക
നനഞ്ഞ റോഡുകളില് കൂടുതല് ബ്രേക്ക് ആവശ്യമായതിനാല് ഉണങ്ങിയ റോഡുകളേക്കാള് മുമ്ബേ ബ്രേക്കമര്ത്തുക
വളവുകളില് വെച്ച് പെട്ടെന്ന് സ്റ്റിയറിങ് തിരിക്കാതിരിക്കുക
ടയര്, ബ്രേക്ക്, ഓയില് മുതലായവ മാസത്തിലൊരിക്കലെങ്കിലും പരിശോധിച്ച് ഫിറ്റ്നസ് ഉറപ്പുവരുത്തുക
ടയറിന്റെ മര്ദ്ദം, ത്രഡുകള് എന്നിവ കൃത്യമായി പരിശോധിക്കുക
ബ്രേക്ക് പെട്ടെന്ന് പ്രയോഗിക്കുന്നത് ഒഴിവാക്കിയാല് വാഹനം വെട്ടുന്നതും തെന്നിമാറുന്നതും ഒഴിവാക്കാം
നനഞ്ഞ റോഡുകളില് കൂടുതല് ശ്രദ്ധിക്കുക എന്നതാണ് അപകടങ്ങളൊഴിവാക്കാനുള്ള വലിയ മാര്ഗം
ഇനി മഴക്കാലത്ത് ഇരുചക്രവാഹനങ്ങള് ഓടിക്കുമ്ബോള് പ്രത്യേകം ശ്രദ്ധിക്കേണ്ട ചില കാര്യങ്ങള് അറിയാം
ഒന്ന്..
സ്ഥിരമായി പോകുന്ന റോഡാണെങ്കിലും വെള്ളക്കെട്ട് കണ്ടാല് അതില് ഇറക്കാതിരിക്കുവാൻ ശ്രമിക്കുക. കാരണം റോഡിലെ കുഴികള് കാണാൻ സാധിച്ചെന്ന് വരില്ല, വെള്ളക്കെട്ടിലെ കുഴികള് വലിയ അപകടങ്ങള് ക്ഷണിച്ചു വരുത്തും.
രണ്ട്..
മഴയത്ത് ഇരുചക്രവാഹനങ്ങള് ഓടിക്കുമ്ബോള് നിർബന്ധമായും ഹെല്മറ്റും റെയിൻ കോട്ടും ഉപയോഗിക്കണം. സാധിക്കുമെങ്കില് മഞ്ഞ,ഓറഞ്ച് അല്ലെങ്കില് വ്യത്യാസ്ഥനിറത്തിലുള്ള റെയിൻ കോട്ടുകള് ഉപയോഗിക്കുക.
മൂന്ന്..
മഴക്കാലത്ത് ഇരുചക്രവാഹനങ്ങള് ഒാടിക്കുമ്ബോള് പിന്നിലിരിക്കുന്ന ആളെക്കൊണ്ട് കുട ചൂടിച്ച് യാതൊരു കാരണവശാലും വാഹനം ഓടിക്കരുത്. അത് അപകടമുണ്ടാക്കാൻ സാധ്യതയുണ്ട്. അത് പോലെ തന്നെയാണ് ടൂവീലറില് എപ്പോഴും ഒരു നല്ല പ്ലാസ്റ്റിക് കവര് കരുതുക. മഴയത്ത് ഫോണും പേഴ്സുമൊക്കെ അതിലിട്ട് പോക്കറ്റില് സൂക്ഷിക്കാനാവും.
നാല്..
നനഞ്ഞ പ്രതലത്തില് ടൂവീലര് സഡന് ബ്രേക്ക് ചെയ്താല് ടയര് സ്കിഡ് ചെയ്ത് മറിയുമെന്ന് അറിയാമല്ലോ. അതുകൊണ്ടു തന്നെ മുന്നിലുള്ള വാഹനവുമായി സുരക്ഷിതമായി ബ്രേക്ക് ചെയ്യാന് വേണ്ട അകലം പാലിക്കുക. വലിയ വാഹനങ്ങളുടെ ടയറുകളില് നിന്ന് തെറിച്ചു വരുന്ന ചെളിവെള്ളത്തെ ഒഴിവാക്കാനും അത് ഉപകരിക്കും. വളവുകള് തിരിയുമ്ബോള് വേഗം നന്നേ കുറയ്ച്ച് വേണം തിരിയാൻ.
അഞ്ച്..
മഴയത്ത് പ്രധാനമായി ശ്രദ്ധിക്കേണ്ടത് കാല്നടയാത്രക്കാരെയാണ്. മഴയത്ത് കാല് നടക്കാർ അശ്രദ്ധമായി റോഡ് മുറിച്ച് കടക്കാന് സാധ്യതയേറെയാണ്. അതിനാല് റോഡിന്റെ ഇരുവശവും കൂടുതല് ശ്രദ്ധിക്കുക.
ആറ്..
മഴക്കാലത്ത് ഇരുചക്രവാഹനങ്ങള് ഓടിക്കുമ്ബോള് മറ്റു യാത്രക്കാരുടെ സുരക്ഷയെപ്പറ്റിയും കരുതലുണ്ടാകണം. ബ്രൈറ്റ് മോഡിലെ പ്രകാശം മഴത്തുള്ളികളാല് പ്രതിഫലിച്ച് എതിരെ വരുന്നവരുടെ കാഴ്ചയ്ക്ക് അവ്യക്തതയുണ്ടാക്കും. അതിനാല് കഴിവതും ഡിം ലൈറ്റ് പരമാവധി ഉപയോഗിക്കുക. വലിയ വളവുകളെ സമീപിക്കുമ്ബോഴും കയറ്റം കയറുമ്ബോഴും എതിരെ വരുന്ന വാഹനങ്ങള്ക്ക് സൂചന നല്കാന് ബ്രൈറ്റ് മോഡ് ഉപയോഗിക്കുക.
ഏഴ്..
ഇരുചക്രവാഹനങ്ങള് ഓടിക്കുമ്ബോള് ശ്രദ്ധിക്കേണ്ട മാറ്റൊരു കാര്യമാണ് വേഗത.റോഡില് ധാരാളം കുഴികളുണ്ട്. അത് കൊണ്ട് തന്നെ വേഗത കുറച്ച് വേണം പോകാൻ. വലിയ കുഴികളോ മൂടിയില്ലാത്ത മാന്ഹോളോ ഓടയോ ഒക്കെ വെള്ളത്തിനടിയില് ഒളിഞ്ഞിരിക്കുന്നുണ്ടാവും. റോഡിലുള്ള മാര്ക്കിങ്ങുകള് , മാന്ഹോള് മൂടി, റെയില് പാളം എന്നിവ മഴയത്ത് തെന്നലുള്ളതാകും. അവയ്ക്ക് മുകളിലൂടെ പോകുമ്ബോള് പ്രത്യേകം ശ്രദ്ധിക്കണം.
എട്ട്..
ടൂവീലർ ഓടിക്കുമ്ബോള് ശ്രദ്ധിക്കേണ്ട മറ്റൊരു കാര്യം ചെരിപ്പ് തന്നെയാണ്. ബാക്ക് സ്ട്രാപ്പുള്ള ചെരിപ്പ് ഇടുന്നതാണ് ഉത്തമം. ചെളിയിലെ മണലിലോ റബര് ചെരിപ്പ് തെന്നാന് ഇടയുണ്ട്. അതുമൂലം റൈഡറുടെ ബാലന്സ് തെറ്റി വണ്ടി മറിയാൻ സാധ്യതയുണ്ട്.
ഉറപ്പായും ഒരിക്കല്ക്കൂടി ഓർമ്മിക്കേണ്ട പോയിൻ്റുകള്
അക്വാപ്ലാനിംഗ്/ഹൈഡ്രോപ്ലാനിംഗ് എന്ന അപകടകരമായ സാഹചര്യം ഒഴിവാക്കാൻ മണ്സൂണ് സമയത്ത് ഉയർന്ന വേഗതയില് വാഹനം ഓടിക്കരുതെന്ന് നിർദ്ദേശിക്കുന്നു . റോഡിനും ടയറിനുമിടയില് വെള്ളത്തിൻ്റെ പാളി രൂപപ്പെടുകയും ഘർഷണം നഷ്ടപ്പെടുകയും അപകടങ്ങള്ക്ക് കാരണമാവുകയും ചെയ്യുമ്ബോഴാണ് ഇത്.
വെള്ളത്തില് പ്രവേശിക്കുന്നതിന് മുമ്ബ് നിങ്ങളുടെ കാർ ഒന്നാം/രണ്ടാം ഗിയറിലാണെന്ന് ഉറപ്പാക്കുക.
ആഴത്തിലുള്ള കുഴികളിലൂടെയോ വെള്ളക്കെട്ടുകളിലൂടെയോ വാഹനമോടിക്കുമ്ബോള് ക്ലച്ചും ആക്സിലറേറ്ററും തമ്മില് ബാലൻസ് സൂക്ഷിക്കുക.
നിങ്ങള്ക്ക് മുന്നിലുള്ള മറ്റ് വാഹനങ്ങളില് നിന്ന് മതിയായ അകലം പാലിക്കുക.
ദൃശ്യപരത ഇല്ലെങ്കില് മഴ അവസാനിക്കുന്നതുവരെ അല്ലെങ്കില് ചാറ്റല്മഴയായി മാറുന്നത് വരെ വാഹനം നിർത്തുന്നതാണ് നല്ലത്.
കാഴ്ച മോശമാകുമ്ബോള് എല്ലായ്പ്പോഴും ഹെഡ്ലൈറ്റുകളും ടെയില് ലൈറ്റുകളും ഓണാക്കുക. ഇത് നിങ്ങള്ക്ക് വ്യക്തമായ കാഴ്ച നല്കുകയും റോഡിലെ മറ്റ് ഡ്രൈവർമാർക്ക് നിങ്ങളുടെ കാർ ദൃശ്യമാക്കുകയും ചെയ്യുന്നു.
Post a Comment