തെരഞ്ഞെടുപ്പ് പെരുമാറ്റച്ചട്ടത്തിന്റെ ഭാഗമായാണ് പ്രധാനമന്ത്രിയുടെ ചിത്രം വാക്സീൻ സർട്ടിഫിക്കറ്റില് നിന്നും നീക്കിയതെന്നാണ് നല്കുന്ന വിശദീകരണം. എന്നാല് ഇന്ത്യയില് കൊവിഷീല്ഡ് എന്ന പേരില് അവതരിപ്പിച്ച കൊവിഡ് പ്രതിരോധ വാക്സീന് ഗുരുതര പാർശ്വഫലമുണ്ടെന്ന് വാക്സിൻ കമ്ബനി ആസ്ട്രസെനെക കഴിഞ്ഞ ദിവസം വ്യക്തമാക്കിയിരുന്നു. ഈ സാഹചര്യത്തിലാണ് വാക്സീൻ സർട്ടിഫിക്കറ്റില് നിന്നും മോദി ഫോട്ടോ നീക്കാനുള്ള തീരുമാനത്തില് എത്തിയതെന്നാണ് വിലയിരുത്തല്.
ഇതിന് മുൻപ് കൊവിഡ് സർട്ടിഫിക്കറ്റില് മോദി ചിത്രം നല്കുന്നതിനെതിരെ വലിയ പ്രതിഷേധവും വിമർശനവും ഉയർന്നിരുന്നുവെങ്കിലും കേന്ദ്ര സർക്കാർ തള്ളുകയായിരുന്നു. പുതിയ വിവാദങ്ങളുടെ പശ്ചാത്തലത്തിലാണ് നടപടിയെടുത്തത്. കൊവിഷീല്ഡ് വാക്സീൻ സ്വീകരിച്ച ശേഷം ഹൃദയാഘാതം ഉണ്ടായി മരിച്ച ആളുകളുടെ കുടുംബങ്ങള്ക്ക് കേന്ദ്രസർക്കാർ നഷ്ടപരിഹാരം നല്കണമെന്ന് കോണ്ഗ്രസ് ആവശ്യപ്പെട്ടു.
കൊവിഷീല്ഡ് വാക്സീനെടുത്ത അപൂർവ്വം ചില ആളുകളില് രക്തം കട്ടപിടിക്കുകയും, പ്ലേറ്റ്ലെറ്റ് കൗണ്ട് കുറയ്ക്കുകയും ചെയ്യുന്ന ടിടിഎസ് (ത്രോംന്പോസിസ് വിത്ത് ത്രോന്പോസൈറ്റോപ്പീനിയ) എന്ന അവസ്ഥയുണ്ടാകാമെന്നാണ് ആസ്ട്രസെനെക കമ്ബനി യു.കെയിലെ കോടതിയില് വ്യക്തമാക്കിയത്.
Post a Comment