തിരുവനന്തപുരം:സംസ്ഥാന സര്ക്കാരിന്റെ കെ റൈസ് വിതരണം ഈ മാസം 12 മുതല് ആരംഭിക്കുമെന്ന് മന്ത്രി ജിആര് അനില്. സപ്ലൈകോ കേന്ദ്രങ്ങള് വഴിയാകും അരി വിതരണം ചെയ്യുക. ജയ അരി കിലോയ്ക്ക് 29 രൂപ നിരക്കിലും മട്ട അരിയും കുറുവ അരിയും കിലോയ്ക്ക് 30 രൂപ നിരക്കിലുമാകും വിതരണം ചെയ്യുകയെന്നും മന്ത്രി വാര്ത്താസമ്മേളനത്തില് അറിയിച്ചു.
ഓരോ മേഖലയിലും വ്യത്യസ്ത അരികളാകും സപ്ലൈകോ കേന്ദ്രങ്ങളിലെത്തുക. തിരുവനന്തപുരത്ത് ജയ അരിയും കോട്ടയം, എറണാകുളം മേഖലയില് മട്ട അരിയും, പാലക്കാട്, കോഴിക്കോട് മേഖലയില് കുറുവ അരിയുമാകും വിതരണത്തിനെത്തുക. ഒരുമാസം അഞ്ചുകിലോ അരിയുടെ പാക്കറ്റ് നല്കുമെന്ന് ഭക്ഷ്യമന്ത്രി ജിആര് അനില് തിരുവനന്തപുരത്ത് പറഞ്ഞു.
Post a Comment