ആലക്കോട്: ശനിയാഴ്ച ഉച്ചക്ക് ശേഷം ഉണ്ടായ ശക്തമായ കാറ്റിലും മഴയിലും തെങ്ങും, കവുങ്ങും ഒടിഞ്ഞുവീണു വീടിന് കേടുപാടുകൾ സംഭവിച്ചു. കാവുംകുടിയിലെ പാലക്കാട്ട് പി.കെ. പ്രകാശന്റെ വീടിനാണ് തകർന്നത്. നാട്ടുകാരെത്തി മുറിഞ്ഞു വീണ തെങ്ങും കവുങ്ങും വെട്ടി മാറ്റി. പകൽ സമയമായതുകൊണ്ട് വീട്ടിൽ ആളില്ലാത്തത് അപകടം ഒഴിവായി. 50000 രൂപയുടെ നഷ്ടം കണക്കാക്കുന്നു. സംഭവം അറിഞ്ഞ് വാർഡ് അംഗം നിഷാ വിനു സംഭവസ്ഥലം സന്ദർശിച്ചു.
Post a Comment