ഇരിട്ടി: ഫാ. മനോജ് ഒറ്റപ്ലാക്കല് മെമ്മോറിയല് ചിത്രരചനാ മത്സരത്തിന് രജിസ്ട്രേഷനുള്ള അവസാന തീയതി ഇന്ന്. കണ്ണൂര് ജില്ല അടിസ്ഥാനത്തില് എടൂര് സെന്റ് മേരീസ് ഹയര് സെക്കണ്ടറി സ്കൂളില് വച്ചാണ് മത്സരം നടക്കുക.
"വരയോളം" എന്ന പേരില് നടത്തുന്ന ചിത്ര രചന മത്സരം സംഘടിപ്പിക്കുന്നത് ഇതേ സ്കൂളിലെ പൂര്വ്വവിദ്യാര്ഥികളുടെ കൂട്ടായ്മയായ ''നെല്ലിക്ക' യാണ്.
നവംബര് 11 ന് നടക്കുന്ന മല്സരത്തില് യു.പി, ഹൈസ്കൂള്, ഹയര് സെക്കണ്ടറി വിഭാഗത്തിലുള്ള കുട്ടികള്ക്ക് പങ്കെടുക്കാം. വാട്ടര് കളറാണ് ചിത്രരചനയ്ക്കുള്ള മാനദണ്ഡം. മല്സരത്തില് ഒന്നും രണ്ടും സ്ഥാനം നേടുന്ന വിദ്യാര്ത്ഥികള്ക്ക് ക്യാഷ് അവാര്ഡും പ്രശസ്തി പത്രവും നല്കും. നവംബര് 19 ന് ഫാ. മനോജ് ഒറ്റപ്ലാക്കലിന്റെ ജീവചരിത്രം 'താലന്ത്' ന്റെ പ്രകാശന ചടങ്ങ് നടക്കുന്ന തലശ്ശേരി സാൻ ജോസ് മെട്രോപൊളിറ്റൻ സ്കൂളില് വച്ചാണ് വിജയികള്ക്ക് ക്യാഷ് അവാര്ഡ് നല്കുക. പ്രശസ്ത എഴുത്തുകാരി ഹണി ഭാസ്കരൻ രചിച്ച 'താലന്ത്' നവംബര് 5 ന് ഷാര്ജ പുസ്തകമേളയില് പുറത്തിറങ്ങി.
പുസ്തകത്തിന്റെ കേരളത്തിലെ പ്രകാശന ചടങ്ങാണ് നവംബര് 19 ന് തലശ്ശേരി സാൻ ജോസ് മെട്രോപൊളിറ്റൻ സ്കൂളില് നടക്കുന്നത്. ചിത്ര രചനാ മല്സരത്തില് പങ്കെടുക്കാനാഗ്രഹിക്കുന്നവര്ക്ക് 8075779406 എന്ന നമ്ബറില് വിളിച്ച് പേര് രജിസ്റ്റര് ചെയ്യാം. ഇന്ന് റെജിസ്ട്രേഷൻ അവസാനിക്കും.
Drawing competition
Post a Comment