ആധാർ കാർഡിലെ വിവരങ്ങളുടെ കൃത്യത ഉറപ്പാക്കാൻ 10 വർഷം കൂടുമ്പോൾ ഉപയോക്താക്കൾ വിവരങ്ങൾ അപ്ഡേറ്റ് ചെയ്യണം. ആധാർ കാർഡ് വിവരങ്ങൾ സൗജന്യമായി പുതുക്കാനുള്ള അവസരവും അധികൃതർ ഒരുക്കിയിട്ടുണ്ട്. 2023 ജൂൺ 14 വരെയായിരുന്നു നേരത്തെ സൗജന്യ അപ്ഡേഷൻ പ്രഖ്യാപിച്ചിരുന്നത്. എന്നാൽ പിന്നീട് ഇത് സെപ്റ്റംബർ 30 വരെ നീട്ടുകയുണ്ടായി. മൈ ആധാർ എന്ന പോർട്ടൽ വഴി മാത്രമാണ് സൗജന്യ സേവനം.
ആധാർ കാർഡിലെ വിലാസം എങ്ങനെ അപ്ഡേറ്റ് ചെയ്യാം
⁍ https://myaadhaar.uidai.gov.in/ എന്ന വെബ്സൈറ്റ് സന്ദർശിക്കുക.
⁍ 'MyAadhaar' മെനുവിൽ നിന്ന് 'Update Your Aadhaar' ഓപ്ഷൻ തിരഞ്ഞെടുക്കുക.
⁍ തുടർന്ന് 'Update Demographic Data Online' ഓപ്ഷൻ ക്ലിക്ക് ചെയ്യുക.
⁍ ആധാർ കാർഡ് സെൽഫ് സർവീസ് പോർട്ടലിനായുള്ള പുനർരൂപകൽപ്പന ചെയ്ത ഇന്റർഫേസ് നിങ്ങളുടെ സ്ക്രീനിൽ ദൃശ്യമാകും.
⁍ 'Proceed to update Aadhaar' ഓപ്ഷൻ ക്ലിക്ക് ചെയ്യുക.
ആധാർ കാർഡിലെ വിലാസം എങ്ങനെ അപ്ഡേറ്റ് ചെയ്യാം (2)
⁍ ആധാർ കാർഡ് നമ്പറും സ്ക്രീനിൽ ദൃശ്യമാകുന്ന ക്യാപ്ചയും നൽകുക.
⁍ രജിസ്റ്റർ ചെയ്ത ഫോണിൽ ലഭിക്കുന്ന ഒടിപി നൽകുക.
⁍ ഒടിപി നൽകിയ ശേഷം വീണ്ടും 'Update Demographic Data' ഓപ്ഷൻ ക്ലിക്ക് ചെയ്യുക.
⁍ വിലാസം മാറ്റുന്നതിന് 'Address' ഓപ്ഷൻ ക്ലിക്ക് ചെയ്യുക.
ആധാർ കാർഡിലെ വിലാസം എങ്ങനെ അപ്ഡേറ്റ് ചെയ്യാം (3)
⁍ പുതിയ വിലാസ വിവരങ്ങൾ നൽകുക. കൂടെ പുതിയ വിലാസം സാധൂകരിക്കുന്ന പ്രൂഫുകൾ അപ്ലോഡ് ചെയ്യുക.
⁍ തുടർന്ന് Proceed ബട്ടൺ ക്ലിക്ക് ചെയ്യുക, നൽകിയ വിവരങ്ങൾ എല്ലാം ശരിയാണെന്ന് ഉറപ്പിക്കുക.
⁍ സേവനവുമായി ബന്ധപ്പെട്ട് എതെങ്കിലും നിരക്കുകൾ ഉണ്ടെങ്കിൽ അതിപ്പോൾ സ്ക്രീനിൽ കാണാനാകും.
⁍ തുടർന്നു നിങ്ങൾക്ക് ഒരു അക്നോളജ്മെന്റ് നമ്പർ ലഭിക്കും. പുതിയ കാർഡിന്റെ സ്റ്റാറ്റസ് പരിശോധിക്കാൻ ഈ നമ്പർ ഉപയോഗിക്കാം.
Post a Comment