അടുത്ത 3 മണിക്കൂറില് കേരളത്തിലെ വിവിധ ജില്ലകളിലെ ഒറ്റപ്പെട്ടയിടങ്ങളില് ഇടിമിന്നലോടു കൂടിയ മഴയ്ക്കും കാറ്റിനും സാധ്യത.ഇടുക്കി, എറണാകുളം,തൃശൂര്, പാലക്കാട്, മലപ്പുറം എന്നീ ജില്ലകളില് ആണ് കേന്ദ്ര കാലാവസ്ഥ വകുപ്പ് മഴ മുന്നറിയിപ്പ് നല്കിയിരിക്കുന്നത് .മൂന്ന് മണിക്ക് പുറപ്പെടുവിച്ച മുന്നറിയിപ്പില് മണിക്കൂറില് 40 കി.മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റും ഉണ്ടാകാനിടയുണ്ടെന്നും പറയുന്നു.
വരും ദിവസങ്ങളില് വിവിധ ജില്ലകളില് കേന്ദ്ര കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചു. നാളെ അലര്ട്ടുകളൊന്നും പ്രഖ്യാപിച്ചിട്ടില്ല. ചൊവ്വാഴ്ച കോഴിക്കോട്, കണ്ണൂര്, കാസര്ഗോഡ് ജില്ലകളിലും, ബുധനാഴ്ച മലപ്പുറം, കോഴിക്കോട്, കണ്ണൂര്, കാസര്ഗോഡ് ജില്ലകളിലും, വ്യാഴാഴ്ച കോഴിക്കോട്, കണ്ണൂര്, കാസര്ഗോഡ് എന്നീ ജില്ലകളിലുമാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്.
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് ഇവിടങ്ങളില് പ്രവചിക്കപ്പെട്ടിരിക്കുന്നത്. കേരള – കര്ണാടക തീരത്തും ലക്ഷദ്വീപ് പ്രദേശത്തും മത്സ്യബന്ധനത്തിന് പോകാൻ പാടില്ലെന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി.
Post a Comment