തിരുവനന്തപുരം: മധ്യകേരളത്തിലും വടക്കൻ ജില്ലകളിലും ഇന്നു മുതല് മഴ ശക്തമായേക്കും. തെക്കൻ ഗുജറാത്ത് തീരം മുതല് വടക്കൻ കേരളം വരെ നീളുന്ന കാലവര്ഷപ്പാത്തിയും ബംഗാള് ഉള്ക്കടലില് വടക്കൻ തമിഴ്നാട് തീരത്തോടു ചേര്ന്നുള്ള ചക്രവാതച്ചുഴിയും കാരണം വരുംദിവസങ്ങളില് മഴ ലഭിക്കുമെന്നാണു കാലാവസ്ഥാ വകുപ്പിന്റെ പ്രവചനം.
ശക്തമായ മഴയ്ക്കു സാധ്യത ഉള്ളതിനാല് ഇന്ന് ഇടുക്കി, കണ്ണൂര്, കാസര്കോട് ജില്ലകളിലും നാളെ ഇടുക്കി, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളിലും വ്യാഴാഴ്ച തൃശൂര്, കോഴിക്കോട്, കണ്ണൂര്, കാസര്കോട് ജില്ലകളിലും വെള്ളിയാഴ്ച ഇടുക്കി, കണ്ണൂര്, കാസര്കോട് ജില്ലകളിലും യെലോ അലര്ട്ട് പ്രഖ്യാപിച്ചു. നാളെ മുതല് 14 വരെ കേരള, കര്ണാടക, ലക്ഷദ്വീപ് തീരങ്ങളില് നിന്നു മത്സ്യബന്ധനത്തിനു പോകാൻ പാടില്ല. കേരളതീരത്ത് ഇന്ന് ഉയര്ന്ന തിരമാലയ്ക്കും കടലാക്രമണത്തിനും സാധ്യത ഉണ്ട്.
Post a Comment