റിയാദ്: സൗദി അറേബ്യയുടെ തലസ്ഥാനമായ റിയാദിലുണ്ടായ തീപിടിത്തത്തിൽ രണ്ട് മലയാളികൾ ഉൾപ്പെടെ ആറ് പേർ മരിച്ചു. മരിച്ച രണ്ട് പേർ മലപ്പുറം സ്വദേശികളാണ്. ഗുജറാത്ത്, തമിഴ്നാട് സ്വദേശികളാണ് മരിച്ച മറ്റ് രണ്ട് പേർ.
മലപ്പുറം കുറ്റിപ്പുറം പഞ്ചായത്തിലെ വളാഞ്ചേരി പൈങ്കണ്ണൂര് തറക്കല് യൂസഫിന്റെ മകന് അബ്ദുല് ഹക്കീം (31), മേല്മുറി സ്വദേശി നൂറേങ്ങല് കവുങ്ങല്ത്തൊടി വീട്ടില് ഇര്ഫാന് ഹബീബ് (33) എന്നിവരാണ് മരിച്ച മലയാളികള്. ഇവര് ഉള്പ്പെടെ ആകെ ആറ് പേരാണ് അപകടത്തില് മരിച്ചത്.
രണ്ട് മലയാളികള്ക്ക് പുറമെ രണ്ട് തമിഴ്നാട് സ്വദേശികളും ഗുജറാത്ത്, മഹാരാഷ്ട്ര എന്നിവിടങ്ങളില് നിന്നുള്ള ഓരോരുത്തരുമാണ് മരിച്ചതെന്ന് റിപ്പോര്ട്ടുകള് പറയുന്നു. വെള്ളിയാഴ്ച പുലര്ച്ചെ 1.30നാണ് അഗ്നിബാധയുണ്ടായതെന്നാണ്. ഖാലിദിയ്യയിലെ പെട്രോള് പമ്ബില് പുതിയതായി ജോലിക്കെത്തിയവരാണ് അപകടത്തില്പെട്ടത്. ഇവരില് മൂന്ന് പേര്ക്ക് വ്യാഴാഴ്ച ഇഖാമ ലഭിച്ചതേ ഉണ്ടായിരുന്നുള്ളൂ.
ഷോര്ട്ട് സര്ക്യൂട്ട് ആണ് തീപിടുത്തത്തിന് കാരണമായതെന്ന് പ്രാഥമിക റിപ്പോര്ട്ടുകള് വ്യക്തമാക്കുന്നു. മൃതദേഹങ്ങള് ശുമൈസി ആശുപത്രി മോര്ച്ചറിയിലാണ്. ഇന്ത്യന് എംബസി ഉദ്യോഗസ്ഥരും കെ.എം.സി.സിയുടെ വെല്ഫെയര് വിങ് ചെയര്മാന് സിദ്ധീഖ് തുവ്വൂരും സഹപ്രവര്ത്തകരും നടപടിക്രമങ്ങള് പൂര്ത്തിയാക്കാന് രംഗത്തുണ്ട്.
Post a Comment