കൊച്ചി: മുന് മുഖ്യമന്ത്രി ഉമ്മന്ചാണ്ടിയെ വധിക്കാന് ശ്രമിച്ച കേസില് മൂന്ന് പ്രതികള് കുറ്റക്കാരെന്ന് കണ്ണൂര് സബ് കോടതി.
ദീപക്, സി.ഒ.ടി നസീര്, ബിജു പറമ്ബത്ത് എന്നിവരെയാണ് കോടതി കുറ്റക്കാരെന്ന് വിധിച്ചത്. 110 പ്രതികളെ കോടതി വെറുതെ വിട്ടു. മുന് എംഎല്എമാരായ ശ്രീകൃഷ്ണന്, കെ കെ നാരായണന് എന്നിവരടക്കം 113 പേരാണ് കേസിലെ പ്രതികള്.
2013 ഒക്ടോബര് 27നാണ് കേസിനാസ്പദമായ സംഭവം നടന്നത്. ഉമ്മന്ചാണ്ടിയുടെ കാറിന് നേരെയുണ്ടായ കല്ലേറില് ചില്ലുകള് തകര്ന്ന് പരിക്കേറ്റിരുന്നു. 2 വകുപ്പുകള് മാത്രമാണ് പ്രതികള്ക്കെതിരെ തെളിഞ്ഞത്. ആയുധം ഉപയോഗിച്ച് പരിക്കേല്പ്പിക്കല്, പൊതുമുതല് നശിപ്പിക്കല് എന്നീ രണ്ട് വകുപ്പുകളാണ് പ്രതികള്ക്കെതിരെ ചുമത്തിയിരിക്കുന്നത്. വധശ്രമം, ഗൂഢാലോചന, മര്ദ്ദനം, പോലീസിനെ ആക്രമിക്കല് തുടങ്ങിയ വകുപ്പുകള് തെളിയിക്കാനായില്ല. പ്രതികളില് രണ്ടുപേരെ സി.പി.എം പുറത്താക്കിയിരുന്നു. നസീര്, ദീപക് എന്നിവരെയാണ് അച്ചടക്ക നടപടിയുടെ പേരില് സി.പി.എം പുറത്താക്കിയത്. ബിജു പറമ്ബത്ത് നിലവില് സി.പി.എം അംഗമാണ്.
Post a Comment