തിരുവനന്തപുരം: സംസ്ഥാനത്ത് ഇന്നും ശക്തമായ മഴയ്ക്ക് സാദ്ധ്യതയുള്ളതായി കാലാവസ്ഥാ നിരീക്ഷണ കേന്ദ്രം. തെക്കന്-മദ്ധ്യ കേരളത്തിലാണ് ശക്തമായ മഴ ലഭിക്കുക.
മഴ മുന്നറിയിപ്പിന്റെ ഭാഗമായുള്ള അലര്ട്ടുകള് ഏര്പ്പെടുത്തിയിട്ടില്ലെങ്കിലും ജനങ്ങള് ജഗ്രത പാലിക്കണമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചിട്ടുണ്ട്. നാളെയും മഴ തുടരും.
ബംഗാള് ഉള്ക്കടലില് രൂപം കൊണ്ട ന്യൂനമര്ദ്ദം മാന്നാര് കടലിടുക്കിലേക്ക സഞ്ചരിക്കുകയാണ്. ഇതിന്റെ സ്വാധീന ഫലമായാണ് സംസ്ഥാനത്ത് ശക്തമായ മഴ ലഭിക്കുന്നത്. മാന്നാര് കടലിടുക്കിലേക്ക് പ്രവേശിക്കുന്നതിലൂടെ ന്യൂനമര്ദ്ദത്തിന്റെ ശക്തി കുറയുമെന്നും കാലാവസ്ഥാ നിരീക്ഷണ കേന്ദ്രം അറിയിച്ചു.
ന്യൂനമര്ദ്ദത്തിന്റെ സ്വാധീന ഫലമായി സംസ്ഥാനത്ത് ശക്തമായ കാറ്റിനും ഇടിമിന്നലിനും സാദ്ധ്യതയുണ്ട്. ഈ സാഹചര്യത്തില് ജനങ്ങള് ജാഗ്രത പാലിക്കണമെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്കിയിട്ടുണ്ട്. കടല് പ്രക്ഷുബ്ധമാകാനും ഉയര്ന്ന തിരമാലയ്ക്കും സാദ്ധ്യതയുണ്ട്. അതിനാല് തീരമേഖലയില് താമസിക്കുന്നവര് ജാഗ്രതാ പാലിക്കണമെന്നം കാലാവസ്ഥാ നിരീക്ഷണ കേന്ദ്രം അറിയിച്ചു. മത്സ്യത്തൊഴിലാളികള്ക്കും ജാഗ്രതാ നിര്ദ്ദേശമുണ്ട്.
Post a Comment