മലയാളി വിദ്യാർഥികൾ സഞ്ചരിച്ചിരുന്ന ബസ് മധ്യപ്രദേശിൽ അപകടത്തിൽപ്പെട്ടു
ഭോപ്പാൽ: മലയാളി വിദ്യാർഥികൾ സഞ്ചരിച്ചിരുന്ന വിനോദയാത്രാ ബസ് മധ്യപ്രദേശിലെ റായ്പുര മേഖലയിൽ വച്ച് കൊക്കയിലേക്ക് മറിഞ്ഞു. ബസിലുണ്ടായിരുന്ന 35 പേർക്ക് പരിക്കേറ്റു. രണ്ട് പേരുടെ പരിക്ക് ഗുരുതരമാണ്.
തൃശൂർ ഇരിങ്ങാലക്കുട ക്രൈസ്റ്റ് കോളജിലെ ജിയോളജി ബിരുദ വിദ്യാർഥികൾ സഞ്ചരിച്ചിരുന്ന ബസ് ആണ് അപകടത്തിൽപ്പെട്ടത്. 60 വിദ്യാർഥികളുടെ സംഘം രണ്ട് ബസുകളിലാണ് സഞ്ചരിച്ചിരുന്നത്. ഇതിൽ ഒരു ബസ് കട്നി മേഖലയിൽ വച്ച് താഴ്ചയിലേക്ക് മറിയുകയായിരുന്നു.
പരിക്കേറ്റവരെ കട്നി ജില്ലാ ആശുപത്രിയിൽ പ്രവേശിപ്പിച്ചു. ഗുരുതരമായി പരിക്കേറ്റ രണ്ട് പേരെ ജബൽപൂർ മെഡിക്കൽ കോളജിലേക്ക് മാറ്റി.

Post a Comment