തിരുവനന്തപുരം: സംസ്ഥാനത്ത് മഴ കനക്കുന്നു. ഇടുക്കി ഉള്പ്പടെ മിക്ക ഇടങ്ങളിലും ഇന്ന് ഇടിയോട് കൂടിയ ശക്തമായ മഴപെയ്യുമെന്ന് കാലാവസ്ഥാ നിരീക്ഷണകേന്ദ്രം മുന്നറിയിപ്പ് നല്കി.
ഇടുക്കി ജില്ലയില് ഇന്ന് ഓറഞ്ച് അലര്ട്ട് ആണ്.
കൊല്ലം, പത്തനംതിട്ട, കോട്ടയം, എറണാകുളം, തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട് എന്നീ 9 ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
ഇടുക്കി അടക്കം 9 ജില്ലകളില് നാളെയും യെല്ലോ അലര്ട്ടാണ്. ബംഗാള് ഉള്ക്കടലില് ശ്രീലങ്കയുടെ വടക്കുകിഴക്കന് തീരത്ത് രൂപം കൊണ്ട ന്യൂനമര്ദ്ദത്തിന്റെ ശക്തി കൂടിയതാണ് മഴയുടെ കാരണം. കേരളാ തീരത്ത് ശനി, ഞായര് ദിവസങ്ങളില് മത്സ്യബന്ധനത്തിന് വിലക്കുണ്ട്.
Post a Comment