കേരള ബ്ലാസ്റ്റേഴ്സ് എഫ്സി, ഹീറോ ഇന്ത്യന് സൂപ്പര് ലീഗ് 2022-23 സീസണിനുള്ള ഔദ്യോഗിക ടീമിനെ പ്രഖ്യാപിച്ചു. 2022 ഒക്ടോബര് 7ന് കൊച്ചി ജവഹര്ലാല് നെഹ്റു അന്താരാഷ്ട്ര സ്റ്റേഡിയത്തില് ഈസ്റ്റ് ബംഗാള് എഫ്സിക്കെതിരെ നടക്കുന്ന ഉദ്ഘാടന മത്സരത്തിനായി തയാറെടുക്കുകയാണ് ഇവാന് വുകോമനോവിച്ചിന്റെ നേതൃത്വത്തിലുള്ള ടീം. ജെസെല് കര്ണെയ്റോ ആണ് ക്യാപ്റ്റന്.
2022-23ലെ ഹീറോ ഇന്ത്യന് സൂപ്പര് ലീഗിനായുള്ള കേരള ബ്ലാസ്റ്റേഴ്സിന്റെ സമ്മര് ട്രാന്സ്ഫര് കാലയളവ് ഏറെ തിരക്കേറിയതായിരുന്നു. നിരവധി താരങ്ങളുമായുള്ള കരാര് ദീര്ഘകാലത്തേക്ക് നീട്ടിയത്, ടീമിന്റെ പ്രധാന താരനിരയെ കോട്ടമില്ലാതെ നിലനിര്ത്താന് ക്ലബ്ബിനെ സഹായിക്കും.
കഴിഞ്ഞ സീസണില് കളിച്ച 16 താരങ്ങള് വീണ്ടും ടീം പട്ടികയില് ഇടംപിടിച്ചിട്ടുണ്ട്. മുഖ്യപരിശീലകനായ ഇവാന് വുകോമാനോവിച്ചിന്റെ കീഴില് ഈ സീസണില് കൂടുതല് ആവേശത്തോടെയാണ് ക്ലബ്ബ് ഇറങ്ങുന്നതും.
ടീമിനെ പിന്തുണയ്ക്കാനായി ആരാധകര് വീണ്ടും ഗ്യാലറിയിലേക്ക് എത്തുന്നതോടെ, ഐഎസ്എല് പ്രീസീസണ് മത്സരങ്ങളില് കാണിച്ച മനോവീര്യം ആവര്ത്തിച്ച് 2022-23 ഐഎസ്എല് ട്രോഫി ഉയര്ത്താനാവുമെന്നാണ് ബ്ലാസ്റ്റേഴ്സിന്റെ പ്രതീക്ഷ.
കിരീടം നേടുകയെന്ന സ്വപ്നവുമായാണ് ഞങ്ങള് ഹീറോ ഐഎസ്എല് 2022-23 സീസണിലേക്കുള്ള മത്സരത്തിലേക്ക് പ്രവേശിക്കുന്നതെന്ന് ബ്ലാസ്റ്റേഴ്സ് സ്പോര്ട്ടിങ് ഡയറക്ടര് കരോലിസ് സ്കിന്കിസ് പറഞ്ഞു.
രാഹുല് കെ പി, സഹല് അബ്ദുള് സമദ്, ശ്രീക്കുട്ടന്, സച്ചിന് സുരേഷ്, നിഹാല് സുധീഷ്, ബിജോയ് വര്ഗീസ്, വിബിൻ മോഹനൻ എന്നിവര്. ഓസ്ട്രേലിയന് ഫോര്വേഡ്, അപ്പൊസ്തോലസ് ജിയാനു ആണ് ടീമിലെ ഏക വിദേശ ഏഷ്യന് താരം.
ഐഎസ്എലിനുള്ള കേരള ബ്ലാസ്റ്റേഴ്സിന്റെ ഔദ്യോഗിക ടീം:
ഗോള്കീപ്പര്മാര്:
പ്രഭ്സുഖന് ഗില്, കരണ്ജിത് സിങ്, മുഹീത് ഷാബിര് ഖാന്, സച്ചിന് സുരേഷ്.
പ്രതിരോധനിര:
വിക്ടര് മോംഗില്, മാര്കോ ലെസ്കോവിച്ച്, ഹോര്മിപാം റുയ്വ, സന്ദീപ് സിങ്, ബിജോയ് വര്ഗീസ്, നിഷു കുമാര്, ജെസെല് കര്ണെയ്റോ, ഹര്മന്ജോത് ഖബ്ര.
മധ്യനിര:
ജീക്സണ് സിങ്, ഇവാന് കലിയുസ്നി, ലാല്തംഗ ഖാല്റിങ്, ആയുഷ് അധികാരി, സൗരവ് മണ്ഢല്, അഡ്രിയാന് ലൂണ, സഹല് അബ്ദുസമദ്, ബ്രൈസ് മിറാന്ഡ, വിബിന് മോഹനന്, നിഹാല് സുധീഷ്, ഗിവ്സണ് സിങ്.
Post a Comment