ചെന്നൈ: തമിഴ് യുവനടി ദീപ ഫ്ളാറ്റില് മരിച്ച നിലയില്. ചെന്നൈയിലെ അപാര്ട്മെന്റിലാണ് ഇന്ന് ഉച്ചയ്ക്ക് നടിയെ തൂങ്ങിമരിച്ച നിലയില് കണ്ടെത്തിയത്.
ആത്മഹത്യയാണെന്നാണ് പൊലീസ് സംശയിക്കുന്നത്.
നിരവധി ടെലിവിഷന് ഷോകളിലും തമിഴ് ചിത്രങ്ങളിലും അഭിനയിച്ചിട്ടുണ്ട് 29കാരിയായ ദീപ. പോളിന് ജെസീക്കയാണ് യഥാര്ത്ഥ നാമം. ചെന്നൈ വിരുഗമ്ബാക്കത്തെ സ്വകാര്യ അപാര്ട്ടമെന്റിലാണ് മരിച്ച നിലയില് നടിയെ കണ്ടെത്തിയത്. വീട്ടുകാര് നടിയുടെ മൊബൈലിലേക്ക് വിളിച്ചിട്ടും എടുക്കാതെയായതോടെയാണ് സുഹൃത്തിനെ വിവരം അറിയിച്ചത്. തുടര്ന്ന് സുഹൃത്ത് ഫ്ളാറ്റില് എത്തിയപ്പോഴായിരുന്നു മരിച്ച നിലയില് കണ്ടെത്തിയത്.
പ്രണയപരാജയമാണ് ആത്മഹത്യയ്ക്ക് കാരണമെന്ന് സംശയിക്കുന്നുണ്ട്. കുറച്ചു ദിവസങ്ങളായി വീട്ടില്നിന്നു മാറിയാണ് താമസം. ഫ്ളാറ്റില് ഒറ്റയ്ക്കായിരുന്നു താമസം. വീട്ടുകാരോട് സംസാരവും കുറവായിരുന്നു.
ഈ വര്ഷം ആദ്യത്തില് റിലീസ് ചെയ്ത വൈദയിലെ ചെറിയ വേഷത്തിലൂടെ പ്രേക്ഷകശ്രദ്ധ നേടിയിരുന്നു. നടന് വിശാല് നായകനാകുന്ന തുപ്പറിവാളനിലും പ്രധാന വേഷത്തിലെത്തിയിരുന്നു. നിരവധി ടിവി ഷോകളും ചെയ്തിട്ടുണ്ട്.
ഗാനരചയിതാവ് കബിലന്റെ മകളും ഫാഷന് ഡിസൈനറുമായ തൂരിഗൈയിയുടെ മരണത്തിനു പിന്നാലെയാണ് തമിഴ് ചലച്ചിത്രരംഗത്തെ ഞെട്ടിച്ച് മറ്റൊരു മരണം കൂടി റിപ്പോര്ട്ട് ചെയ്യുന്നത്. ഇഷ്ടമില്ലാത്തയാളെ വിവാഹം കഴിക്കാന് നിര്ബന്ധിച്ചതില് മനംനൊന്തായിരുന്നു ആത്മഹത്യയെന്നാണ് റിപ്പോര്ട്ട്. കഴിഞ്ഞ കുറച്ചു ദിവസങ്ങളായി യുവതി വിഷാദരോഗത്തിന് അടിമയായിരുന്നുവെന്ന് സുഹൃത്തും വെളിപ്പെടുത്തിയിരുന്നു.
Post a Comment