കണ്ണൂര്: ജില്ലാ പഞ്ചായത്തിന്റെ 'ഓണത്തിന് ഒരുകൊട്ട പൂവ്' പദ്ധതിയുടെ ജില്ലാതല വിളവെടുപ്പ് ഉദ്ഘാടനം മുന് മന്ത്രി പി.കെ.
ശ്രീമതി നിര്വഹിച്ചു. അഴീക്കോട് ചാല് സ്വദേശി പി.പി. സിലേഷിന്റെ പൂപ്പാടത്ത് നടന്ന വിളവെടുപ്പുദ്ഘാടനത്തില് ജില്ലാ പഞ്ചായത്ത് പ്രസിഡന്റ് പി.പി. ദിവ്യ അധ്യക്ഷത വഹിച്ചു.
പദ്ധതി ജില്ലാ പഞ്ചായത്ത് കഴിഞ്ഞ അഞ്ച് വര്ഷമായി തുടരുകയാണ്. ഇത്തവണ 1.37 ലക്ഷം ചെണ്ടുമല്ലി തൈകളാണ് വിതരണം ചെയ്തത്. ഒരു ചെടിയില് നിന്ന് ശരാശരി ഒന്നര കിലോ പൂക്കള് ലഭിക്കും. ആകെ 200 ടണ് പൂക്കള് ലഭിക്കുമെന്നാണ് പ്രതീക്ഷ.
പത്ത് ലക്ഷം രൂപ ചെലവില് ജില്ലയിലെ വിവിധ പഞ്ചായത്തുകളിലായി 50 ഹെക്ടര് സ്ഥലത്താണ് പൂകൃഷി ചെയ്തത്.

Post a Comment