പ്ലസ് വൺ പ്രവേശനം ഇന്ന് രണ്ടാം അലോട്ട്മെന്റ്

 

പ്ലസ് വൺ പ്രവേശനത്തിനുള്ള രണ്ടാം അലോട്ട്‌മെന്റ് ഇന്ന് പ്രസിദ്ധീകരിക്കും. നാളെ രാവിലെ പത്ത് മണി മുതൽ ബുധനാഴ്ച വൈകിട്ട് അഞ്ച് മണി വരെയാണ് പ്രവേശനം. സ്‌പോർട്സ് ക്വാട്ട രണ്ടാം അലോട്ട്‌മെന്റ്, കമ്മ്യൂണിറ്റി ക്വാട്ട അഡ്മിഷൻ എന്നിവയും ഇതോടൊപ്പം നടക്കും. 

മെറിറ്റ് ക്വാട്ടയിൽ ഒന്നാം ഓപ്ഷനിൽ അലോട്ട്‌മെന്റ് ലഭിക്കുന്നവർക്ക് ഫീസടച്ച് സ്ഥിര പ്രവേശനം നേടാം. www.hscap.kerala.gov.in എന്ന ലിങ്കിൽ അഡ്മിഷൻ വിവരങ്ങൾ പരിശോധിക്കാം. അലോട്ട്മെന്റ് ലഭിക്കുന്ന വിദ്യാർത്ഥികൾ കാൻഡിഡേറ്റ് ലോഗിനിലെ Second Allot Results എന്ന ലിങ്കിൽനിന്നു ലഭിക്കുന്ന അലോട്ട്‌മെന്റ് ലെറ്ററിൽ പറയുന്ന സ്‌കൂളിൽ സർട്ടിഫിക്കറ്റുകളുടെ ഒറിജിനൽ സഹിതം രക്ഷിതാക്കൾക്കൊപ്പം ഹാജരാകണം. 

ഇതുവരെ അപേക്ഷിക്കാൻ കഴിയാത്തവർക്കും മുഖ്യഘട്ടത്തിൽ തെറ്റായ വിവരങ്ങൾ നൽകി അലോട്ട്‌മെന്റിന് പരിഗണിക്കാത്തവർക്കും 22ന് നടക്കുന്ന മൂന്നാം അലോട്ട്‌മെന്റിന് ശേഷം സപ്ലിമെന്ററി അലോട്ട്‌മെന്റിന് അപേക്ഷിക്കാം. ഈ തീയതി ഉടൻ പ്രസിദ്ധീകരിക്കും. അലോട്ടമെന്റ് ലഭിച്ചിട്ടും പ്രവേശനം നേടാത്തവരെ തുടർന്നുള്ള സപ്ലിമെന്ററി അലോട്ട്‌മെന്റുകളിൽ പരിഗണിക്കില്ല. 

🅚🅐🅝🅝🅤🅡 🅝🅔🅦🅢 🅞🅝🅛🅘🅝🅔

_മിതമായ നിരക്കിൽ_ *𝐊𝐀𝐍𝐍𝐔𝐑 𝐍𝐄𝐖𝐒 ᴏɴʟɪɴᴇ* _ലൂടെ നിങ്ങളുടെ സ്ഥാപനത്തിന്റെ പരസ്യം ചെയ്യാൻ ബന്ധപ്പെടുക._ *https://wa.me/919037057047*