തിരുവനന്തപുരം:എൻജിനിയറിങ്, ഫാർമസി കോഴ്സുകളിലേക്കുള്ള പ്രവേശനപരീക്ഷ നാളെ. രാവിലെയും വൈകീട്ടുമായാണ് പരീക്ഷ നടക്കുക. 346 കേന്ദ്രങ്ങളിലായി നടക്കുന്ന പരീക്ഷയ്ക്ക് 1,22,083 പേരാണ് രജിസ്റ്റർ ചെയ്തിട്ടുള്ളത്.കെമിസ്ട്രി, ഫിസിക്സ് അടക്കമുള്ള ഒന്നാം പേപ്പർ രാവിലെ 10മുതൽ 12.30 വരെയും ഗണിതം ഉൾപ്പെടുന്ന രണ്ടാം പേപ്പർഉച്ചയ്ക്ക് 2.30 മുതൽ വൈകീട്ട് 5വരെയുമാണ് നടക്കുക.പരീക്ഷയ്ക്ക് എത്തുന്നവർ കർശന കോവിഡ് ചട്ടങ്ങൾ പാലിക്കണം. പരീക്ഷാ കേന്ദ്രങ്ങളിൽ കോവിഡ് സ്പെഷ്യൽഡ്യൂട്ടിക്കായി പ്രത്യേക അധ്യാപകരെ നിയമിച്ചിട്ടുണ്ട്. വിദ്യാർഥികൾ അഡ്മിറ്റ് കാർഡ് കൂടാതെ ഡ്രൈവിങ് ലൈസൻസ്,പാസ്പോർട്ട്, പാൻകാർഡ്, ഇലക്ഷൻഐ.ഡി., ഫോട്ടോ പതിച്ചദേശസാത്കൃത ബാങ്ക് പാസ്ബുക്ക്,ആധാർ കാർഡ്, ഇ-ആധാർ, പന്ത്രണ്ടാം ക്ലാസിലെ ഫോട്ടോ പതിച്ച ഹാൾ ടിക്കറ്റ്,വിദ്യാർഥി പ്ലസ് ടു പഠനം പൂർത്തിയാക്കിയ സ്ഥാപനമേധാവി നൽകുന്ന വിദ്യാർഥിയുടെ ഫോട്ടോ സാക്ഷ്യപ്പെടുത്തിയ സർട്ടിഫിക്കറ്റ് അല്ലെങ്കിൽ ഒരു ഗസറ്റഡ് ഓഫീസർ നൽകുന്ന ഫോട്ടോ സാക്ഷ്യപ്പെടുത്തിയ സർട്ടിഫിക്കറ്റ് എന്നിവയിൽ ഏതെങ്കിലും ഒരു തിരിച്ചറിയൽ രേഖ സമർപ്പിക്കണം.
Post a Comment