ശക്തമായ മഴ തുടരുന്നതിനാല് ജനങ്ങള് ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി അറിയിച്ചു.
മുന്നറിയിപ്പുള്ള സാഹചര്യത്തില് അധികൃതരുടെ നിര്ദേശങ്ങള്ക്ക് അനുസരിച്ച് മാറി താമസിക്കണം. വിവിധ തീരങ്ങളില് കടലാക്രമണം ശക്തമാകാന് സാധ്യതയുള്ളതിനാല് അപകട മേഖലകളില് താമസിക്കുന്നവര് ജാഗ്രത തുടരണം. മത്സ്യബന്ധനോപാധികള് സുരക്ഷിതമാക്കി സൂക്ഷിക്കണം. അടച്ചുറപ്പില്ലാത്തതും മേല്ക്കൂര ശക്തമല്ലാത്തതുമായ വീടുകളിലും താമസിക്കുന്നവര് വരും ദിവസങ്ങളിലെ മുന്നറിയിപ്പുകളുടെ അടിസ്ഥാനത്തില് മാറി താമസിക്കാന് തയ്യാറാകണം. സ്വകാര്യ-പൊതു ഇടങ്ങളില് അപകടാവസ്ഥയില് നില്ക്കുന്ന മരങ്ങള്/പോസ്റ്റുകള്/ബോര്ഡുകള് തുടങ്ങിയവ സുരക്ഷിതമാക്കുകയും മരങ്ങള് വെട്ടി ഒതുക്കുകയും വേണം. അപകടാവസ്ഥകള് അധികൃതരുടെ ശ്രദ്ധയില്പ്പെടുത്തണം. ദുരന്ത സാധ്യത മേഖലയിലുള്ളവര് എമര്ജന്സി കിറ്റ് തയ്യാറാക്കി വെക്കണം. മഴ തുടരുന്നതിനാല് നദികള് മുറിച്ചു കടക്കാനോ, നദികളിലോ മറ്റ് ജലാശയങ്ങളിലോ കുളിക്കാനോ മറ്റ് ആവശ്യങ്ങള്ക്ക് ഇറങ്ങാനോ പാടില്ല. ജലാശയങ്ങള്ക്ക് മുകളിലെ മേല്പ്പാലങ്ങളില് കയറി കാഴ്ച കാണുകയോ സെല്ഫിയെടുക്കുകയോ കൂട്ടം കൂടി നില്ക്കുകയോ ചെയ്യരുത്. മലയോര മേഖലയിലേക്കുള്ള രാത്രി സഞ്ചാരം പൂര്ണ്ണമായി ഒഴിവാക്കണം.
Post a Comment