കണ്ണൂർ മലബാര് മേഖലയിലെ യാത്രക്കാര്ക്ക് ആശ്വാസമായി എയര് ഇന്ത്യ ജൂണ് 21ന് കണ്ണൂരില്നിന്ന് ഒമാനിലേക്ക് സര്വിസ് ആരംഭിക്കുന്നു.
കണ്ണൂരില്നിന്ന് രാത്രി 10.20ന് പുറപ്പെടുന്ന വിമാനം ഒമാന് സമയം 12.20ന് മസ്കത്തില് എത്തും. മസ്കത്തില്നിന്ന് വൈകീട്ട് 4.30ന് പുറപ്പെടുന്ന വിമാനം ഇന്ത്യന് സമയം 9.30ന് കണ്ണൂരില് ഇറങ്ങും. ആഴ്ചയില് ചൊവ്വ, വെള്ളി, ഞായര് ദിവസങ്ങളില് മൂന്ന് വീതം സര്വിസാകും ഉണ്ടാവുക.
എയര് ഇന്ത്യ എക്സ്പ്രസ്, ഗോ ഫസ്റ്റ് എന്നീ വിമാന കമ്ബനികള്ക്കാണ് നിലവില് കണ്ണൂരിലേക്ക് സര്വിസുള്ളത്. എയര് ഇന്ത്യ മുമ്ബ് തിരുവനന്തപുരം, കൊച്ചി എന്നിവിടങ്ങളിനിന്ന് ഒമാനിലേക്ക് സര്വിസ് നടത്തിയിരുന്നെങ്കിലും തിരുവനന്തപുരം സര്വിസ് നിര്ത്തലാക്കിയിരുന്നു. നിലവില് കൊച്ചിയില്നിന്ന് മാത്രമാണ് സര്വിസുള്ളത്.
എയര് ഇന്ത്യയെ ടാറ്റ ഗ്രൂപ്പ് ഏറ്റെടുത്ത ശേഷം നിരവധി പരിഷ്കാരങ്ങള് വരുത്തിവരികയാണ്. അതിന്റെ ഭാഗമായാണ് സര്വിസ് വര്ധിപ്പിക്കുന്നതെന്നാണ് ട്രാവല് മേഖലയിലുള്ളവര് പറയുന്നത്. കണ്ണൂര് എയര്പോര്ട്ടില് ആധുനിക സൗകര്യങ്ങള് ഉണ്ടെങ്കിലും കൂടുതല് അന്താരാഷ്ട്ര സര്വിസുകള് ആരംഭിച്ചിട്ടില്ല.
Post a Comment