ശ്രീകണ്ഠപുരം: ഇലക്ട്രിക് വാഹനങ്ങളുടെ ചാർജിംഗ് സൗകര്യങ്ങൾ ലഭിക്കുന്നതിനായി ഇരിക്കൂർ നിയോജക മണ്ഡലം പരിധിയിലെ അഞ്ച് കേന്ദ്രങ്ങളിൽ ചാർജിംഗ് സ്റ്റേഷനുകൾ സ്ഥാപിക്കുന്നതിന് അനുമതി ലഭിച്ചതായി സജീവ് ജോസഫ് എംഎൽഎ അറിയിച്ചു. ശ്രീകണ്ഠപുരം, ചെമ്പേരി, ഇരിക്കൂർ, ഉളിക്കൽ, ആലക്കോട് എന്നീ കേന്ദ്രങ്ങളിലാണ് ചാർജിംഗ് സ്റ്റേഷനുകൾ സ്ഥാപിക്കുന്നത്. ഇലക്ട്രിക് വാഹനങ്ങളുടെ ദൈനംദിന ഉപയോഗം പ്രോത്സാഹിപ്പിക്കുന്നതിനാണ് നടപടി. ചാർജിംഗ് സ്റ്റേഷനുകൾ യാഥാർഥ്യമാകുന്നതോടെ ഇലക്ട്രിക് വാഹന ഉപയോഗം വർധിപ്പിക്കാനും അന്തരീക്ഷ മലിനീകരണ തോത് കുറക്കാനും നിലവിലുള്ള ഉപഭോക്താക്കളുടെ പ്രയാസം ലഘൂകരിക്കാനും സാധിക്കുമെന്ന് സജീവ് ജോസഫ് പറഞ്ഞു.
ആലക്കോട് ഉൾപ്പെടെ ഇരിക്കൂർ മണ്ഡലത്തിൽ അഞ്ച് ചാർജിംഗ് സ്റ്റേഷനുകൾ
Alakode News
0
Post a Comment