ആലക്കോട് : ആലക്കോട് പാലം യാഥാർഥ്യമാക്കാൻ വേണ്ട ഇടപെടൽ നടത്തുമെന്ന് സ്ഥലം എംഎൽഎ സജീവ് ജോസഫ്. ആലക്കോട് ടൗൺ പാലത്തിന്റെ നിർമാണ പ്രവൃത്തി വിലയിരുത്താനായി ആലക്കോട് പഞ്ചായത്ത് ടൗൺ ഹാളിൽ വിളിച്ചു ചേർത്ത യോഗത്തിലാണ് എംഎൽഎ ഇക്കാര്യം അറിയിച്ചത്.
പാലത്തോട് ചേർന്ന വീട്ടുകാരുടെ ആശങ്ക പരിഹരിച്ച് നിർമാണ പ്രവൃത്തികൾ പൂർത്തിയാക്കാനാണ് തീരുമാനം. എത്രയും പെട്ടെന്ന് പണി പൂർത്തിയാക്കാൻ വേണ്ട എല്ലാ സഹായവും യോഗത്തിൽ പങ്കെടുത്ത ജനപ്രതിനിധികളും മറ്റു സാമൂഹ്യ രാഷ്ട്രീയ പ്രവർത്തകരും ഉറപ്പുനൽകി. ആലക്കോട് പഞ്ചായത്ത് പ്രസിഡന്റ് കെ.എം. ജോസഫിന്റെ അധ്യക്ഷതയിൽ ചേർന്ന യോഗത്തിൽ വൈസ് പ്രസിഡന്റ് പി.സി. ആയിഷ, ജോസ് വട്ടമല, മെംബർമാരായ പി.എം. മാത്യു, ജോൺസൺ, തോമസ് മാണി, കെ.പി. സാബു, ടി. സജീവ്, പി.കെ. മിനി, രാജേഷ് ചന്ദ്രൻ ,എ.വി.ബാലകൃഷ്ണൻ എന്നിവർ പ്രസംഗിച്ചു.
Post a Comment