ചെറുപുഴ: മാനന്തവാടി ഡിപ്പോയിൽ നിന്ന് കോവിഡിന് മുന്പ് സർവീസ് നടത്തിയിരുന്ന മാനന്തവാടി-ബളാൽ കെഎസ്ആർടിസി ലിമിറ്റഡ് സ്റ്റോപ്പ് ബസ് സർവീസ് പുനരാരംഭിച്ചു. കാസർഗോഡ്, കണ്ണൂർ ജില്ലകളിലെ യാത്രക്കാർക്ക് ഉപകാരപ്രദമായ സർവീസ് മലയോര മേഖല പാസഞ്ചേഴ്സ് അസോസിയേഷൻ മുൻകൈ എടുത്താണ് പുനഃരാരംഭിച്ചത്.
പുതിയ സമയപ്രകാരം ബളാലിൽ നിന്ന് രാവിലെ ആറിന് പുറപ്പെട്ട് 7.10ന് ചെറുപുഴയിലും 9.20 ന് ഇരിട്ടിയിലും 11.20 ന് മാനന്തവാടിയിലും എത്തും. മാനന്തവാടിയിൽ നിന്ന് ഉച്ചയ്ക്ക് 2.45 ന് തിരിച്ച് വൈകുന്നേരം അഞ്ചിന് ഇരിട്ടിയിലും, 7.30ന് ചെറുപുഴയിലും 8.15 ന് ബളാലിലും എത്തും. രാത്രി ചെറുപുഴയിൽ നിന്ന് വെള്ളരിക്കുണ്ട് ഭാഗത്തേയ്ക്ക് ബസുകൾ ഇല്ല. ഈ പ്രശ്നത്തിന് പരിഹാരമായെന്ന് ബസ് പാസഞ്ചേഴ്സ് അസോസിയേഷൻ കൺവീനർ എം.വി. രാജു പറഞ്ഞു.
Post a Comment