ഇരിട്ടി: സ്ഥലം ഉടമയില്‍ നിന്നും കൈക്കൂലി വാങ്ങിയ സ്പെഷ്യല്‍ വില്ലേജ് ഓഫീസറെ വിജിലൻസ് സംഘം പിടികൂടി.
പായം വില്ലേജിലെ സ്പെഷ്യല്‍ വില്ലേജ് ഓഫീസർ കൊല്ലം കുണ്ടറ സ്വദേശി ബിജു അഗസ്റ്റിനെയാണ് വിജിലൻസ് ഡി വൈ എസ് പി കെ.പി. സുരേഷ് ബാബുവിന്റെ നേതൃത്വത്തിലുള്ള സംഘം അറസ്റ്റ് ചെയ്തത്.
ഇരിട്ടി പയഞ്ചേരി മുക്കില്‍ ഒരു സ്ഥലം ഉടമയില്‍ നിന്നും 15000 രൂപ കൈക്കൂലി വാങ്ങുന്നതിനിടെയാണ് ബിജു അഗസ്റ്റിൻ പിടിയിലാകുന്നത്. സ്ഥലം ഉടമ നല്‍കിയ 15000 രൂപ ഇയാളില്‍ നിന്നും പിടിച്ചെടുത്തു. ഡി വൈ എസ് പി സുരേഷ് ബാബുവിനെക്കൂടാതെ ഇൻസ്പെക്ടർ സി. ഷാജു, എസ് ഐ മാരായ എൻ.കെ. ഗിരീഷ്, എൻ. വിജേഷ്, രാധാകൃഷ്ണൻ, എ എസ് ഐ രാജേഷ് എന്നിവരും വിജിലൻസ് സംഘത്തില്‍ ഉണ്ടായിരുന്നു.
Post a Comment