തിരുവനന്തപുരം :SSLC- പ്ലസ് ടു പരീക്ഷകള്ക്ക് ഇന്ന് സമാപനം. ചോദ്യപേപ്പറിലെ അക്ഷരത്തെറ്റുകളും വിദ്യാർത്ഥികള് തമ്മില് ചിലയിടങ്ങളില് ഉണ്ടായ സംഘർവും മാറ്റിനിർത്തിയാല് വിവാദങ്ങള് കുറവായിരുന്നു ഇക്കൊല്ലം.
സംഘർഷ സാധ്യതകളുടെ പശ്ചാത്തലത്തില് സ്കൂളുകളില് അതിരുവിട്ട ആഹ്ലാദപ്രകടനം പാടില്ലെന്ന് പൊതുവിദ്യാഭ്യാസ വകുപ്പ് നിർദേശം നല്കിയിട്ടുണ്ട്.
രാവിലെ നടക്കുന്ന ജീവശാസ്ത്രം പരീക്ഷയോടെ ഇക്കാല്ലത്തെ പത്താം ക്ലാസ് പൊതുപരീക്ഷയ്ക്ക് സമാപനമാകും. സംസ്ഥാനത്ത് 2,964 കേന്ദ്രങ്ങളിലായി 4,25,861 വിദ്യാർഥികളാണ് ഈ വർഷം എസ്എസ്എല്സി പരീക്ഷ എഴുതിയത്. പ്ലസ് ടു അവസാന പരീക്ഷ ഉച്ചയ്ക്ക് നടക്കും. ഇതോടെ വിദ്യാർത്ഥികള്ക്ക് വേനലവധി തുടങ്ങും. അവസാന ദിനം സ്കൂളുകളില് അതിരുവിട്ട ആഹ്ലാദപ്രകടനം പാടില്ലെന്ന് പൊതു വിദ്യാഭ്യാസ വകുപ്പ് നിർദേശം നല്കിയിട്ടുണ്ട്.
കുട്ടികള് അപകടകരമായ രീതിയില് ആഹ്ലാദപ്രകടനം സംഘടിപ്പിച്ചാല് പോലീസിന്റെ സഹായം തേടാനും പ്രധാനാധ്യാപകർക്ക് വിദ്യാഭ്യാസ വകുപ്പ് നിർദ്ദേശം നല്കിയിട്ടുണ്ട്. വാഹനങ്ങള് ഉപയോഗിച്ചുള്ള പ്രകടനങ്ങള് ഒരുതരത്തിലും അനുവദിക്കില്ല. പ്ലസ് ടു ഇമ്ബ്രൂവ്മെന്റ് പരീക്ഷകളും, പ്ലസ് വണ് പരീക്ഷകളും മാർച്ച് 29നാണ് സമാപിക്കുക.
ഒന്നുമുതല് ഒൻപത് വരെയുള്ള ക്ലാസ്സുകളുടെ പരീക്ഷ മാർച്ച് 27നും, വി.എച്ച്.എസ്.ഇ വിഭാഗം പരീക്ഷ മാർച്ച് 29 നും സമാപിക്കും.
Post a Comment