കണ്ണൂര് ഇരിട്ടിയില് സ്ഫോടക വസ്തു പൊട്ടിത്തെറിച്ച് തൊഴിലുറപ്പ് തൊഴിലാളിക്ക് പരിക്കേറ്റു. കണ്ണൂര് ഇരിട്ടി ആയിരക്കളത്താണ് പൊട്ടിത്തെറിയുണ്ടായത്.
തൊഴിലുറപ്പ് തൊഴിലാളികള് തോട് വൃത്തിയാക്കുന്നതിനിടെയാണ് ആയിരക്കളം സ്വദേശി രോഹിണിക്ക് പരിക്കേറ്റത്. ഇന്ന് ഉച്ചയ്ക്കുശേഷം 3.45ഓടെയാണ് സംഭവം. രോഹിണിയെ ആശുപത്രിയില് പ്രവേശിപ്പിച്ചു. പരിക്ക് ഗുരുതരമല്ല. തോട്ടിലുണ്ടായിരുന്ന ചാക്ക്കെട്ട് മാറ്റാൻ ശ്രമിക്കുന്നതിനിടെയായിരുന്നു അപകടം. ചാക്കിനുള്ളിലുണ്ടായിരുന്ന പന്നിപ്പടക്കമാണ് പൊട്ടിത്തെറിച്ചതെന്നാണ് സംശയം. വന്യമൃഗങ്ങളടക്കം കൃഷിയിടത്തേക്കിറങ്ങുന്ന സ്ഥലമായതിനാല് ഇവിടെ പന്നിപ്പടക്കം ഉപയോഗിക്കാറുണ്ട്.
Post a Comment