ആലപ്പുഴയില് സമൂഹമാധ്യമത്തില് ഗുണ്ടയുടെ പെണ്സുഹൃത്തിന് ഹായ് സന്ദേശം അയച്ച യുവാവിന് ക്രൂര മർദ്ദനമേറ്റ സംഭവത്തില് നാല് പ്രതികള് പിടിയില്.
ആലപ്പുഴ അരുക്കുറ്റി സ്വദേശി പ്രഭജിത്, അരൂർ സ്വദേശികളായ യദുകൃഷ്ണൻ, അജയ് ബാബു, ഇടക്കൊച്ചി സ്വദേശി മേരി സെലിൻ ഫെർണാണ്ടസ് എന്നിവരാണ് അറസ്റ്റിലായത്. അരൂക്കുറ്റി സ്വദേശി ജിബിൻ ആണ് ക്രൂര മർദനത്തിനിരയായത്.
മാർച്ച് 21നാണ് സമൂഹമാധ്യമത്തില് യുവതിക്ക് ഹലോ എന്ന് സന്ദേശം അയച്ച യുവാവിന് ക്രൂര മർദ്ദനമേറ്റത്. ക്രൂര മർദ്ദനത്തില് ജിബിൻ്റെ വാരിയെല്ലൊടിഞ്ഞ് ശ്വാസകോശത്തിന് ക്ഷതം സംഭവിച്ചു. നിരവധി കേസുകളില് പ്രതിയായ പ്രഭിജിത് എന്ന ഗുണ്ടയുടെ പെണ്സുഹൃത്തിന് ഇൻസ്റ്റഗ്രാമില് സന്ദേശം അയച്ചതിനാണ് ജിബിന് മർദനമേറ്റത്.
ജോലി കഴിഞ്ഞ് മടങ്ങും വഴി അരൂക്കുറ്റി പാലത്തില് നിന്ന് ഫോണ് ചെയ്യുകയായിരുന്നു ജിബിൻ. സ്ഥിരം ആക്രമ കേസുകളില് പ്രതിയായ പ്രഭിജിത്തും കൂട്ടാളി സിന്തലും കാറില് വരുന്ന വഴി ജിബിനെ കണ്ടു. കണ്ട ഉടൻ കാർ നിർത്തി ബിജിനെ മർദിച്ച പ്രഭിജിത്ത്, പിന്നാലെ ഇയാഴെ ബലമായി ബൈക്കില് കയറ്റികൊണ്ടുപോയി. തുടർന്ന് ആളൊഴിഞ്ഞ വീട്ടിലെത്തിച്ച് കെട്ടിയിട്ട് മർദിക്കുകയായിരുന്നു.
Post a Comment