തിരുവനന്തപുരം: എക്സൈസ് നടത്തിയ ഓപറേഷൻ ക്ലീൻ സ്ലേറ്റില് ആദ്യ അഞ്ച് ദിവസം കൊണ്ട് 360 എൻഡിപിഎസ് കേസുകളിലായി 368 പേരെ അറസ്റ്റ് ചെയ്തെന്ന് മന്ത്രി എം.ബി.
രാജേഷ്. വിവിധ കേസുകളിലായി 378 പേരെ പ്രതിചേർത്തു.
പ്രതികളില് നിന്ന് 81.13 ലക്ഷം രൂപ വിലമതിക്കുന്ന മയക്കുമരുന്ന് പിടിച്ചു. ഒളിവില് കഴിഞ്ഞിരുന്ന 17 പ്രതികളെയും അറസ്റ്റ് ചെയ്തെന്നും മന്ത്രി പറഞ്ഞു. അഞ്ച് ദിവസം കൊണ്ട് 2181 പരിശോധനകള് സംസ്ഥാനത്ത് എക്സൈസ് നടത്തി. മറ്റ് വകുപ്പുകളുമായി ചേർന്ന് 39 സംയുക്ത പരിശോധനകളും നടത്തി.
21,389 വാഹനങ്ങള് പരിശോധിച്ചു. മയക്കുമരുന്ന് കടത്തിയ 16 വാഹനങ്ങള് കസ്റ്റഡിയിലെടുത്തു. 602 സ്കൂള് പരിസരം, 152 ബസ് സ്റ്റാൻഡ് പരിസരം, 59 ലേബർ ക്യാമ്ബുകള്, 54 റെയില്വേ സ്റ്റേഷൻ തുടങ്ങിയ സ്ഥലങ്ങളില് പരിശോധന നടത്തി മയക്കുമരുന്ന് വില്പ്പനക്കാരെ പിടികൂടിയെന്നും മന്ത്രി പറഞ്ഞു.
Post a Comment