കണ്ണൂർ: ട്രയിനുകളില് യാത്ര ചെയുന്നവരെ ആശങ്കയിലാക്കി ഉയർന്ന് വരുന്ന മൊബൈല് മോഷണം വലിയ പ്രതിസന്ധിയാണ് യാത്രക്കാർക്കിടയില് ഉണ്ടാക്കുന്നത്.
കണ്ണൂരില് മാത്രം ഇതുമായി ബന്ധപ്പെട്ട് കഴിഞ്ഞമാസം ലഭിച്ചത് 20 പരാതികളാണ്. ഇതില് 15 ഫോണുകള് പൊലീസ് ലൊക്കേഷൻ കണ്ടെത്തി തിരികെ പിടിച്ചു നല്കിയിരുന്നു.
ട്രെയിനുകളില് നിരീക്ഷണ ക്യാമറകള് സ്ഥാപിക്കാമെന്ന തീരുമാനം ഉണ്ടായിരുന്നെങ്കിലും നടപടികള് ഇപ്പോഴും ഇഴയുകയാണ്. എല് എച്ച് ബി എല് സി കോച്ചുകളിലാണ് നിലവില് സ്ഥാപിച്ചിട്ടുള്ളത്. ഇത് സ്ലീപ്പർ കോച്ചുകളിലും ഘട്ടം ഘട്ടമായി വെക്കുമെന്നാണ് പറഞ്ഞിരുന്നത്.
റെയില്വെ സ്ക്വാഡ് സുരക്ഷിതമായ യാത്ര ഉറപ്പ് വരുത്താനായി പല ട്രെയിനുകളിലും ഉണ്ടെങ്കിലും മോഷണ കേസുകളുടെ എണ്ണത്തില് കുറവില്ല. ഫോണുകളും മറ്റും വളരെ ശ്രദ്ധയോടെ കരുതണമെന്നും അലസമായി ഇടാൻ പാടില്ലയെന്നും പലർക്കും മുന്നറിയിപ്പ് നല്കുമെങ്കിലും ഇത് പലപ്പോഴും പാലിക്കാറില്ല. ഇത് മോഷ്ടാകള്ക്ക് പറ്റിയ അവസരം ഉണ്ടാക്കുന്നു. മോഷ്ടാക്കള് കുട്ടികളെയും ഉപയോഗിക്കുന്നുണ്ടെന്നും പൊലീസ് പറയുന്നു.
Post a Comment