കണ്ണൂർ: കണ്ണൂർ നഗരത്തില് ഓണക്കാലത്ത് ഫൂട്ട് ഓവർ ബ്രിഡ്ജ് അടച്ചിട്ടതോടെ തെരുവ് കച്ചവടക്കാരും കാല് നടയാത്രക്കാരും ദുരിതത്തിലായി.
കഴിഞ്ഞ ദിവസം മുതലാണ് നഗരഹൃദയത്തിലെഓവർ ബ്രിഡ്ജ് അടച്ചിട്ടത്. ഹെഡ് പോസ്റ്റ് ഓഫീസ് - ടെലഫോണ് ഭവൻ വഴി മുനീശ്വരൻ കോവിലിന് മുന്നിലെത്താൻ നൂറുക്കണക്കിനാളുകള് ആശ്രയിക്കുന്നവഴിയാണിത്. ഇനി ഏറെ ചുറ്റിത്തിരിഞ്ഞ് വേണം ഹെഡ് പോസ്റ്റ് ഓഫീസ് ഭാഗത്ത് നിന്നും മുനീശ്വരർകോവില് റോഡിലെത്താൻ.
കണ്ണൂർ നഗരത്തിലെത്തുന്നവർ പ്രസ് ക്ളബ്ബ് ജങ്ഷനില് ബസ്സിറങ്ങി എളുപ്പത്തില് മാർക്കറ്റിലും മറ്റുമെത്താൻ ആശ്രയിക്കുന്നതും ഈ വഴി തന്നെയാണ്. പാലത്തിന്റെ അറ്റകുറ്റപ്പണികള് നടത്താനാണ് വഴി അടച്ചതെന്നാണ് റെയില്വെ എൻജിനിയറിങ് വിഭാഗം അധികൃതരുടെ വിശദീകരണം. ബീമുകള് തുരുമ്ബെടുത്തും സ്പയെറുകള് ഇളകിയതിനാലും അപകടാവസ്ഥയിലായതിനെ തുടർന്നാണ് റെയില്വെ ഫുട്ട് ഓവർബ്രിഡ്ജുവഴിയുള്ള ഗതാഗതം നിരോധിച്ചത്.
Post a Comment