കണ്ണൂർ: ചൊക്ലിയില് കൂറ്റൻ മരം വീണ് 2 കാറുകള് തകർന്നു. ചൊക്ലി രജിസ്ട്രാപ്പീസിനടുത്താണ് അപകടമുണ്ടായത്. നിർത്തിയിട്ട കാറിനു മുകളിലേക്ക് വൻമരം വീഴുകയായിരുന്നു.
രണ്ട് കാറുകളും പൂർണമായും തകർന്ന നിലയിലാണ്. റോഡില് മറ്റ് വാഹനങ്ങള് ഇല്ലാഞ്ഞതിനാല് വൻ ദുരന്തമാണ് വഴിമാറിയത്. ആർക്കും ആളപായമില്ല.
സമീപ പ്രദേശത്തെ രണ്ട് ഇലക്ട്രിക് പോസ്റ്റുകളും തകർന്നിട്ടുണ്ട്. പാനൂർ ഫയർഫോഴ്സെത്തി മരം മുറിച്ചു നീക്കി. അപകടത്തെ തുടർന്ന് ഏറെ നേരം ഗതാഗതം സ്തംഭിച്ചു. സമീപത്തെ വീടിന് നേരിയ കേടുപാടുകള് ഉണ്ടായിട്ടുണ്ട്. ശക്തമായ മഴ തുടരുന്നതിനാല് കണ്ണൂർ ജില്ലയില് ഇന്ന് ഓറഞ്ച് അലർട്ട് മുന്നറിയിപ്പ് നല്കിയിരുന്നു.
Post a Comment