കോട്ടയം: പി.എം. കിസാന്‍ പദ്ധതിയുടെ ഗുണഭോക്താക്കള്‍ ആനുകൂല്യം തുടര്‍ന്നും ലഭിക്കുന്നതിന് മേയ് 31നകം ഇതുമായി ബന്ധപ്പെട്ട നടപടികള്‍ പൂര്‍ത്തീകരിക്കണം.
ഗുണഭോക്താക്കള്‍ അവരുടെ ബാങ്ക് അക്കൗണ്ടുകള്‍ ആധാറുമായി ബന്ധിപ്പിക്കണം. അടുത്തുള്ള പോസ്റ്റ് ഓഫീസിലെ ഇന്ത്യന്‍ പോസ്റ്റല്‍ പേയ്മെന്റ് ബാങ്ക് മുഖേന ആധാര്‍ ലിങ്ക് ചെയ്ത അക്കൗണ്ടുകള്‍ ആരംഭിക്കാം. കര്‍ഷകര്‍ക്ക് ആധാര്‍ കാര്‍ഡും മൊബൈല്‍ ഫോണുമായി അടുത്തുള്ള പോസ്റ്റ് ഓഫീസില്‍ 25,26,27 ദിവസങ്ങളിലെ ഇതിനായുള്ള പ്രത്യേക ക്യാമ്ബയിനില്‍ പങ്കെടുക്കാം.
എല്ലാ പി.എം കിസാന്‍ ഗുണഭോക്താക്കളും പദ്ധതി ആനുകൂല്യം തടസ്സമില്ലാതെ ലഭിക്കുന്നതിന് കെ.വൈ.സി പൂര്‍ത്തിയാക്കണം. ആധാര്‍ കാര്‍ഡും മൊബൈല്‍ ഫോണുമുപയോഗിച്ച്‌ പി.എം. കിസാന്‍ പോര്‍ട്ടല്‍ വഴിയോ, അക്ഷയ, മറ്റ് തുടങ്ങിയ ജനസേവന കേന്ദ്രങ്ങള്‍ വഴിയോ കെ.വൈ.സിചെയ്യുന്നതിനായി കേന്ദ്ര സര്‍ക്കാര്‍ തയ്യാറാക്കിയിട്ടുള്ള ആന്‍ഡ്രോയിഡ് ആപ്ലിക്കേഷനിലൂടെയോ ചെയ്യണം.
മേയ് 22 മുതല്‍ മേയ് 27 വരെ അക്ഷയ കേന്ദ്രങ്ങളില്‍ ഇതിനായി പ്രത്യേക ക്യാമ്ബയിന്‍ നടക്കും. റവന്യൂ വകുപ്പിന്റെ റിലിസ് പോര്‍ട്ടലിലുള്ള പി.എം കിസ്സാന്‍ ഗുണഭോക്താക്കള്‍ അവരവരുടെ സ്വന്തം കൃഷി ഭൂമിയുടെ വിവരങ്ങള്‍ സമര്‍പ്പിക്കണം. കൃഷി വകുപ്പിന്റെ എയിംസ് പോര്‍ട്ടലില്‍ സ്വന്തം പേരിലുള്ള ഭൂമിയുടെ വിവരങ്ങള്‍ നേരിട്ടോ അക്ഷയ/പൊതുസേവന കേന്ദ്രങ്ങള്‍ വഴിയോ ചേര്‍ക്കണം.
റിലീസ് പോര്‍ട്ടലില്‍ ഭൂമി സംബന്ധിച്ച്‌ വിവരങ്ങള്‍ ഇല്ലാത്തവര്‍, റിലിസ് പോര്‍ട്ടലില്‍ ഭൂമി വിവരങ്ങള്‍ ഉണ്ടെങ്കിലും ഇതുവരെ നല്‍കാന്‍ സാധിക്കാത്തവര്‍, ഓണ്‍ലൈന്‍ സ്ഥലവിവരം നല്‍കാന്‍ കഴിയാത്തവര്‍ എന്നിവര്‍ അപേക്ഷ 2018-2019 ലെയും നിലവിലെയും കരമടച്ച രസീത് എന്നിവ സഹിതം നേരിട്ട് മേയ് 22 മുതല്‍ മേയ് 27 വരെ കൃഷി ഭവനില്‍ നല്‍കി ഭൂമി സംബന്ധിച്ച്‌ വിവരങ്ങള്‍ പി.എം കിസ്സാന്‍ പോര്‍ട്ടലില്‍ സമര്‍പ്പിക്കാം. വിശദവിവരത്തിന് അടുത്തുള്ള കൃഷി ഭവന്‍ സന്ദര്‍ശിക്കുകയോ താഴെ പറയുന്ന ഫോണ്‍ നമ്ബറില്‍ ബന്ധപ്പെടുകയോ ചെയ്യാം. ടോള്‍ ഫ്രീ : 1800-425-1661, 0471-2304022, 0471-2964022.
Post a Comment