ഗൂഗിള്‍ മാപ്പിനെ ആശ്രയിച്ച്‌ യാത്ര ചെയ്യുന്നവര്‍ അപകടത്തില്‍ പെടുന്നത് നിത്യസംഭവമായി മാറിയിട്ടുണ്ട്.
ഇന്നലെ അര്‍ദ്ധരാത്രിയും തിരുവല്ല സ്വദേശിയായ വനിതാ ഡോക്ടറും കുടുംബവും ഗൂഗിള്‍ മാപ്പിനെ വിശ്വസിച്ച്‌ വാഹനമോടിച്ച്‌ ഒടുവില്‍ വഴി തെറ്റി കാര്‍ തോട്ടിലേയ്ക്കു മറിഞ്ഞു.
വ്യാഴാഴ്ച രാത്രി 11 മണിയോടെ കോട്ടയം നാട്ടകം പാറേച്ചാല്‍ ബൈപ്പാസിലാണ് സംഭവം. എറണാകുളത്തു നിന്നും തിരുവല്ലയിലേയ്ക്കു മടങ്ങുകയായിരുന്നു ഡോക്ടറും കുടുംബവും.
ഇവര്‍ ഗൂഗിള്‍ മാപ്പില്‍ ലൊക്കേഷന്‍ നല്‍കിയാണ് കാര്‍ ഓടിച്ചത്. ഇതിനിടെ ലൊക്കേഷന്‍ തെറ്റിയ ഇവര്‍ പാറേച്ചാല്‍ ബൈ്പ്പാസില്‍ എത്തുകയായിരുന്നു. തുടര്‍ന്ന് കാര്‍ വഴി തെറ്റി സമീപത്തെ തോട്ടിലേയ്ക്കു മറിയുകയായിരുന്നു.
ഈ സമയം സമീപവാസികള്‍ ചേര്‍ന്ന് വടം ഇട്ടു കൊടുത്ത് വലിച്ച്‌ തോട്ടില്‍ വീണ കാറിനുള്ളില്‍ നിന്നും നാലു പേരെയും രക്ഷപെടുത്തി പുറത്തെടുത്തു. തുടര്‍ന്നു ഇവരെ സമീപത്തെ ഒരു വീട്ടില്‍ എത്തിച്ചു. ഈ വീട്ടില്‍ നിന്നും അപകടത്തില്‍പ്പെട്ടവര്‍ക്ക് ധരിക്കാനുള്ള വസ്ത്രം അടക്കം നല്‍കി. ഈ വസ്ത്രങ്ങള്‍ ധരിച്ചാണ് ഇവര്‍ ഇവിടെ നിന്നും നാട്ടിലേയ്ക്ക് മടങ്ങിയത്. ഇതിനു ശേഷം
ഓടിക്കൂടിയ നാട്ടുകാര്‍ വിവരം അറിയിച്ചതോടെ കോട്ടയം വെസ്റ്റ് പൊലീസ് സ്റ്റേഷനില്‍ നിന്നും പൊലീസ്, അഗ്നിരക്ഷാ സേനാ സംഘങ്ങള്‍ സ്ഥലത്ത് എത്തി. കാറിനുള്ളിലുണ്ടായിരുന്ന ആര്‍ക്കും പരിക്കുണ്ടായിരുന്നില്ല.
തിരുവല്ല സ്വദേശിയായ ഡോക്ടര്‍ സോണിയ, ഇവരുടെ മൂന്നു മാസം പ്രായമായ കുട്ടി, കാര്‍ ഓടിച്ചിരുന്ന ഇവരുടെ ബന്ധു, ഡോക്ടര്‍ സോണിയയുടെ മാതാവ് എന്നിവരാണ് അപകടത്തില്‍ നിന്നും അത്ഭുതകരമായി രക്ഷപെട്ടത്.
Post a Comment