രണ്ട് വര്‍ഷത്തെ കാത്തിരിപ്പിന് വിരാമമിട്ട് പൂരപ്രേമികളെ ആവേശം കൊള്ളിക്കാന്‍ തൃശൂര്‍ പൂരം ഇന്ന്. കണിമംഗലം ശാസ്താവ് തട്ടകത്തില്‍ നിന്ന് വടക്കുന്നാഥ ക്ഷേത്രത്തിലേക്ക് എഴുന്നള്ളി.
കുറച്ച്‌ സമയത്തിന് ശേഷം തെക്കേ ഗോപുരനടയിലൂടെ ശാസ്താവ് വടക്കുന്നാഥ ക്ഷേത്രത്തിനകത്തേക്ക് പ്രവേശിക്കും. ദേവഗുരു പ്രതിഷ്ഠ ആയതുകൊണ്ടുതന്നെ ശാസ്താവ് വടക്കുന്നാഥനെ വണങ്ങാത്ത ഏക ദേവതയാണ്. കണിമംഗലം ശാസ്താവ് എഴുന്നള്ളുന്നതോടെ പൂരത്തിന് തുടക്കമാകും.
തൃശൂര്‍ പൂരത്തിന് ആരംഭം കുറിച്ചുകൊണ്ട് എറണാകുളം ശിവകുമാര്‍ നെയ്തിലക്കാവിലമ്മയുടെ തിടമ്ബേറ്റി തെക്കേഗോപുര വാതില്‍ തുറന്നെത്തിയതോടെ പൂരവിളംബരത്തിന് ഇന്നലെ തുടക്കമായിരുന്നു. നെയ്തലക്കാവിലമ്മ വടക്കുംനാഥനെ വലംവെച്ചുകൊണ്ടാണ് എത്തിയത്. വടക്കുംനാഥ ക്ഷേത്ര സന്നിധിയിലേക്ക്
ഈ ചടങ്ങിന് സാക്ഷിയാകാന്‍ നൂറുകണക്കിന് ആളുകളാണ് ഒറുകിയെത്തിയത്.
നെയ്തലക്കാവ് ഭഗവതി രാവിലെ എട്ട് മണിയോടെ കുറ്റൂര്‍ ദേശം വിട്ടിറങ്ങി. കൊമ്ബനായ എറണാകുളം ശിവകുമാണ് തിടമ്ബേറ്റിയത്. നൂറുകണക്കിന് ആളുകളാണ് വടക്കുംനാഥക്ഷേത്രത്തിലേക്കുള്ള വഴിയരികില്‍ ദേവിയെ കാത്തുനിന്നത്. നെയ്തലക്കാവ് ഭഗവതി വാദ്യങ്ങളുടെ അകമ്ബടിയോടെയാണ് തട്ടകം വിട്ട് ഇറങ്ങിയത്. പതിനൊന്ന് മണിയോടെയാണ് മണികണ്ഠനാലില്‍ എത്തിയത്.ഗണപതി ക്ഷേത്രത്തിനടുത്തുനിന്നും മേളം തുടങ്ങി.
മേളത്തിന്റെ അകമ്ബടിയില്‍ ആവേശംകൊണ്ട് മണിക്ഠനാലില്‍ നിന്ന് ശ്രീമൂലസ്ഥാനത്തേക്ക്. അവിടെനിന്നും പടിഞ്ഞാറേ ഗോപുരം വഴി വടക്കുംനാഥ ക്ഷേത്രത്തിലേക്ക്. തെക്കേ ഗോപുര നടയിലേക്ക് എല്ലാവരും കണ്ണ് നട്ട് ഇരുന്ന നിമിഷം. എറണാകുളം ശിവകുമാറിന്റെ പുറമേറി നെയ്തലക്കാവ് ഭഗവതി തെക്കേ നടതുറന്നു. ആരവങ്ങളോടെ ദേശം പൂരത്തിന്റെ വിളംബരമറിയിച്ചു. നെയ്തലക്കാവ് ഭഗവതി ഈ ആരവത്തെ സാക്ഷിയാക്കി തെക്കേ ഗോപുരം തുറന്ന് കടന്നുപോയി
Post a Comment