മഴ തുടങ്ങിയതോടെ കണ്ണൂര്‍ ജില്ലയില്‍ റോഡപകടങ്ങളും വര്‍ധിച്ചു. കണ്ണൂര്‍ പെരളശ്ശേരിക്കടുത്ത് കോട്ടത്ത് ബസും ലോറിയും കൂട്ടിയിടിച്ചുണ്ടായ അപകടത്തില്‍ രണ്ട് പേര്‍ക്ക് പരിക്കേറ്റു.
ധര്‍മ്മടത്ത് ഓടിക്കൊണ്ടിരുന്ന കാര്‍ തലകീഴായി മറിഞ്ഞു.
പാലക്കാട് നിന്നും പറശ്ശിനിക്കടവ് ക്ഷേത്രത്തിലേക്ക് പോവുകയായിരുന്ന കുടുംബം യാത്ര ചെയ്ത കാറാണ് അപകടത്തില്‍ പെട്ടത് .കാറിലുണ്ടായവര്‍ നിസ്സാര പരിക്കുകളോടെ രക്ഷപ്പെട്ടു. തലശ്ശേരിയില്‍ ഓട്ടോറിക്ഷ മരക്കൊമ്ബ് വീണ് മറിഞ്ഞു. ഡ്രൈവര്‍ക്ക് പരിക്കേറ്റു.
അഞ്ചരക്കണ്ടി ചമ്ബാട് നിയന്ത്രണം വിട്ട ലോറി റോഡരികിലെ കടകളിലേക്ക് ഇടിച്ചു കയറി , രണ്ട് കടകള്‍ പൂര്‍ണ്ണമായും തകര്‍ന്നു. ആര്‍ക്കും പരിക്കില്ല. മഴ പെയ്തതും റോഡില്‍ ഓയില്‍ കലരുന്നതും അപകട സാധ്യത വര്‍ധിപ്പിക്കുന്നു. വാഹനപ്പെരുപ്പവും വേഗതയും അപകടങ്ങള്‍ കൂടാന്‍ കാരണമായിട്ടുണ്ട്.
Post a Comment